Paq’ij 19 rech septiembre ri’, eri reqa’lenelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC) xuquje’ ruk’ ri Ministerio Público (MP), rech xkiterenb’ej utzijolil xb’ix loq ri awan kunab’al k’o pa jun ch’ich’, tak’ab’im pa jun parque rech jun warib’al ja ub’i’ hotel, k’o pa le calle principal rech ri aldea La Laguna, Jacaltenango, Chinab’jul ri’.
Are chi’ xe’opan ri ajchajinelab’ chi la’ k’ut, xkiriq jun camión Kia, blanco placas C 289BXP (tzaqom kanoq) xuquje’ are chi’ xsolixik chi uxe’ ri xriqijtaj wi jun tz’apib’al pa le ch’ich’ ri’ ri k’o wi 100 chi pisob’al ruk’ cocaína ri’.
Pa ronojel xriqitaj ri’ Q 10 millones 274 mil 175 kumal rajtzukunel awan kunab’al ri’ ruk’ ri MP.
Eri q’atb’al tzij xkib’ij k’ut che rumal che ri loq’ winaq ri xuya loq ub’ixik are la’ k’o jun upatanib’al rech pa le uq’atexik ri awan kunab’alil ri’.