Eri jun chik b’anol k’ax kab’ixik, are xchapataj kumal reqa’lenel ri Wokajil Ajchajil Tinamit rech ri comisaría 15, pa le kilómetro 28 rech pa nimab’e kab’e pa le Pacífico, pa juyub’ tinamit rech Amatitlán.
Are ri a Willian Ottoniel Ramírez Muñiz 25 ujunab’ ri xchap loq, are kab’ixik taqom loq uchapik rumal q’atb’altzij rumal ri b’anoj kamisanik xub’ano, are xtaq loq uchapik pa le 19 rech noviembre rech ri juanb’ 2019, rumal ri Q’atb’altzij rech Amatitlán.
Eri are ri’ xb’antaj kowinem xchapik aretaq xtereb’ex utzukuxik uwach ri b’anoj k’ax che jun winaq xkamik, pa le ik’ rech septiembre rech pa junab’ir kanoq, pa le tinamit ri’.
Rumal ri’ pa le kilómetro 29.5 pa nimab’e kab’e pa Pacífico, chi’ xchapataj wi loq ri jun ralaxik ub’i’ Wilson Alexander Ramírez Muñiz 24 ujunab’, aretaq b’enaq pa jun ch’ich’ e uk’amom b’i winaq ri’.