E reqa’lenel ri Inspectoría General rech ri Wokajil Ajchajil Tinamit, e k’o waqxaqib’ chi winaqil xe’uchapo xuquje’ kuk’ e kajib’ e ajchajil tinamit kib’i’ “Tumbadores” pa San José Pinula, aretaq xakib’ano jun tzukunik maj pa usaqil pa jun ja k’olib’al.
Eri are ri’ xechapataj kamik aretaq keqam k’aqb’al ri’ xuquje’ e b’enaq pa jun alaj ch’ich’ q’eq’ rij ruk’ Uplakas P541FWN kab’ixik xa’ keleq’am, chi’ k’u ri’ xraqataj wi jun radio patrulla rech ri Grupo de Acción Rápida.
Eri q’atb’altzij xuya’ utzijol che ri nik’aj b’anol k’ax xechapataj loq xch’ob’otaj kuwach e are ri’: a Zeferino Sis 38 ujunab’, a Rolando Chocoj 35 ujunab’, a Rutilio Chávez 49 ujunab’, a Selvín Godoy 46 ujunab’, a Wilmer Chavarría 34 ujunab’, ri Wilyng Laroj 35 ujunab’, a Sergio Guerrero 34, eri q’atb’altzij rech ajchajil tinamit xkib’ij, eri nik’aj winaq ri’ xechapatajik rumal releq’axik ch’ich’, rumal toq’inik pwaq, rumal choman b’anoj k’ax, rumal maj pa usaqil b’anoj tzukunik pa taq ja xkib’an ri’ xuquje’ rumal taq elaq’nik.
Eri q’atb’altzij xkib’ij eri tzukno’jchak are katerenb’ex ub’anik na rech kaq’alajisax uwach ri b’anoj k’ax kumal nik’aj elaq’omab’ ri’.