Pa jun puqtzukunem xb’an kumal reqa’lenel ri División Nacional rech Q’ateb’al Kuwach ri Pandillas (Dipanda) ri’, kuk’ req’alenel ri División Especializada rech Investigación Criminal (DEIC) xuquje’ kuk’ reqa’lenel ri Fuerzas Especiales rech e Ajchajin Tinamit (FEP) ri’ rech ri Wokajil Ajchajil Tinamit (PNC) xkichap loq jun pandillero kab’ixik are xkamisan ri jun investigador policial pa Colomba Costa Cuca, Xe’laju’ ri’.
Eri jun b’anol k’ax xchapataj ri’ are ri’ a Gerardo Josué Delgado Martínez, 19 ujunab’, uq’ab’em ub’i’ kab’ixik “Zipper xuquje’ Goofy”, are uwinaqil ri Mara Salvatrucha (MS). Are chi’ xchapik, eri wokajil ajchajil tinamit xkiriq uk’ 55 chi ub’aq’ raqarik k’aqb’alil ri are kab’ixik reqam b’i pa jun mochila ri uwam wiri’.
Eri q’atb’al tzij xkib’ij, eri jun uq’ab’em ub’i’ ri’ “a Zipper xuquje’ a Goofy” are kab’ixik xub’an jun kaq’anik ri xkam wi ri investigador rech ri DIPANDA, ub’i’ a Óscar Eduardo Chuc Tax, 29 ujunab’, ri xk’ax ri’ are xub’an pa le tinamit xb’ixik. Eri jun b’anol k’ax ri’ xk’am b’i pa jun q’atb’al tzij rech Xe’laju’ rech kaq’at tzij chi rij rumal ri kamisanik xub’an ri’.
K’o nim upatanib’al ri tzukunem xb’an kumal ri wokajil ajchajil tinamit, rumal ri’ xchapataj loq jun achi ub’i’ a Gerardo Delgado pa le q’ij chanim. Eri tzukunem sib’alaj katajin chi rij ri’ rech kilik we are jun pa nik’aj chik b’anoj k’ax k’aqanik, rech qastzij b’a’ kachap loq rech kak’am b’i pa q’atb’al tzij chi rij ri k’ax xub’ano.