Pa le unimaxik ub’anik ri Plan Operativo Táctico Policial No. 006-2021 rech Uchajixik xuquje’ Ula’wchixik Utikik ri Tz’inchaj ruk’ ri Tillandsias pa taq le q’ij ri’ rech ropanik loq ri nimaq’ij alaxib’al ri’ xuquje’ ri Upatanixik ri Plan Operativo Táctico Policial 001-2021, eri reqa’lenel ri Delegación rech Xe’laju’ ri’ rech ri Wokajil Ajchajil K’ache’laj (DIPRONA) ri’ rech ri Wokajil Ajchajil Tinamit (PNC) xkichap jun winaq reqam che’ qupim ri’ maj pa usaqil.
Eri q’atb’al tzij rech ajchajilt tinamit ri’ xkib’an jun nim tzukunem pa le Kilómetro 208 nimab’e kab’e pa Cito Zarco, Zunil pa Xe’laju’, chi la’ k’ut eri reqa’lenel ri DIPRONA xkichap loq jun achi ub’i’ René Alejandro Morales López 61 ujunab’, kab’ixik are aj chi la’ pa le Cantón le Mangal, Pueblo Nuevo, Suchitepéquez ri’.
Xriqitaj aretaq reqam b’i pa keb’ koxtar jo’lajuj uq’ab’ ri Tz’inchaj aretaq ub’inisam b’i ri ch’ich’ rech erelwinaq pa taq nimab’e rech Xe’laju’ pa Retalhuleu ri’, rumal k’u ri’ xk’am b’i pa q’atb’al tzij chi rij ri xriqitaj ruk’.