Paq’ij 23 rech mayo, eri reqa’lenel ri Wokaj Ajchajinelab’ e Ajq’atenel taq Pandillas (Dipanda) rech ri Wokajil Ajchajil Tinamit (PNC) pa b’anoj tob’anem chech ri Ministerio Público (MP), rumal ri’ xb’antaj kowonem xechap e 32 chi b’anol k’ax e ajtoq’il pwaq ri’ e uwinaqil ri Mara Salvatrucha xuquje’ rech ri Barrio 18, kuk’ nik’aj chik ri xa’ kesam kachib’al ri pandillas ri’. Eri nik’aj winaq ri’ kab’ixik e ajtoq’il pwaq xuquje’ e b’anol k’ax ri’.
Rumal ri’ eri q’atb’al Tzij xkib’ij chi e k’o waqib’ ixoqib’ kuk’ 26 achijab’ xechapataj kumal. Chi ke ri’, e k’o 16 e uwinaqil ri jun molaj b’anol k’ax ub’i’ Raza Chapina xuquje’ Latin Family rech ri pandilla rech ri Barrio 18. Xuquje’ e k’o lajuj uwinaqil ri Mara Salvatrucha xechapatajik, e k’o lajuj chi uwinaqil ri clicas Locos Centralkes Salvatrucha xuquje’ rech ri Coronado Locotes Salvatrucha.
Xuquje’ xechapatajik nik’aj chi che ri kakesaj kachib’al ri mareros xuquje’ e k’o waqib’ chi ajtoq’il pwaq pa tinamit xechapik, ri ajtaqol kech are jun a Rigoberto Antonio Morales Barrientos, 60 ujunab’ alias Rigo Rico, ri tz’apim pa japche’ rumal are xereleq’aj k’i winaqib’, we kamik xub’an jun chik umak ri’ rumal ri’ xtaq b’i pa jun q’atb’al Tzij rech Iximulew pa 22 rech mayo rech pa junab’ ri’.
Eri wokajil ajchajil tinamit sib’alaj ketajin na che utzukuxik uwach pa juntir ri’.