Pa jueves kanoq 18 rech abril, eri reqa’lenel ri Inspectoría General rech ri Wokajil Ajchajil Tinamit (PNC) xkib’an jun puqchajinem pa le Subestación 74-15 k’o pa San Andrés Itzapa, Chimaltenango, are chi’ xkib’an jun nimak’ax kamisanik pa le rachoch kik’olib’al rech chajinem chi la’ k’ut.
Eri wokajil ajchajil tinamit xkib’an jun kemon chakunem kuk’ ri Fiscalía rech Distrito rech Chimaltenango rech kachajixik ri rachochib’al ri’ rech kamajtaj ri tzukno’jchak chi rij ri’, rech kek’oji ronojel ri chakub’al rajwaxik rech kab’an ri tzukno’kchak chi’.
Rumal k’ut sib’alaj pa aninaqil xe’opan ri q’atb’al tzij chi’ xb’antaj kowonem xechap e kajib’ chi e ajchajil tinamit chi’, ri xek’am b’i pa taq ri q’atb’al tzij rech kuq’at tzij pa kiwi’ rumal ri k’ax kamisanik xkib’ano.
Eri Ministerio rech Gobernación (Mingob) pa uchak reqele’n ri PNC sib’alaj xkub’isaj chi kutoq’ij ub’anik ri utz chajinem rech b’anon utzil chi ke ri winaqilal xuquje’ rech maj jun kakuy tane’ umak ri’ jachin kub’an ri k’ax kamisanik rumal k’ut k’o ri q’atb’al tzij chi kij ri e itzelalaj e ajchajin tinamit ri’.