“Man k’a chuwe’q taj, ri Chajinem are rech kamik”. Pa le b’iw tzij ri’, we q’ij kamik xjaq b’i uwach ri rachoch chajinem rech ri Wokajil Ajchajil Tinamit rech Monjas, Jalapa pa jun b’anonem k’amatil ub’e rumal ri K’amal B’e Amaq’, Bernardo Arévalo xuquje’ rumal ri Ministro rech Gobernación, Francisco Jiménez. Eri k’ak’ rachoch chajinem ri’ are k’o pa le barrio La Ceibita, rech ri tinamit ri’ xuquje’ chi’ k’ut kek’oji wi e 70 chi e ajchajinelab’, e are k’ut kechajin ri winaqil chi’. Xuquje’ e are kakib’an nab’ejsab’al q’alan ib’ rech q’atenik k’a, rech kakib’an chajin winaqil ri’, rech kakito’o ri winaqil, rech kakilo kakichomaj ri b’iw b’ixik loq kumal ri winaqilal, rech keniman pa taq q’atb’al tzij xuquje’ rech kechajin pa tinamit ri’.
Eri K’amal B’e Amaq’ Arévalo xub’ij che “ruk’ ri ukojik ri rachoch chajinem ri’ rech b’a’ kek’oji chikinaqaj ri winaqilal rch kakikub’isaj kik’u’x. Rech pa kemonchak keq’atexik ri nik’aj molaj b’anol k’ax ri’ xuquje’ rech kasub’axik ri winaqil.” Xuquje’, xub’ij eri e ajchajil tinamit rajwaxik “pa amaq’el kakiya pa uq’ijol ri keta’mab’alil rech kakib’an ri chak jacha ri xketa’maj ub’anik, rech pa usuk’alil b’a’ kechakunik pa le kachajixik ri winaqilal”.
Rumal ri’ eri taqawokajnel rech ri Ya’olchajinem pa Amaq’, Francisco Jiménez, xub’ij che pa k’ak’ rachoch ri PNC ri’ kek’oji e 24 chi ixoqib’ xuquje’ e 46 chi ixoqib’ ri xetijoxik rech keta’m kakichajij ri winaqilal ri’. “Ruk’ wa’ kutun rib’ ruk’ ri kajib’ k’ak’ rachoch chajinem ri’ ri kek’oji pa le kachajixik ri winaqilal e aj iximulew, rech kab’an utz che ri kichak kakib’an ri e ajchajil tinamit”.
Pa le ilib’anem ri’ xopan wi ri K’amal B’e rech ri Wokajil Ajchajil Tinamit, David Custodio Boteo, ri Viceministros rech ri taqawokajnem ri’ ruk’ ri k’amal b’e rech ri Banco Centroamericano rech integración Económica (BCIE), Miguel Almeyda.
Eri uyakik ri k’ak’ rachoch chajinem ri’ are la’ xb’an ruk’ utob’anik ri BCIE, pa reqele’n ri Programa rech Yakib’al taq Ja K’olib’alil ruk’ ri Chakub’alil rech ri K’ak’ Taqanem Tzij rech ri Sector Justicia. Ri nik’aj chik k’ak’ rachoch chajinem kayak pa nik’aj chcik tinamit jacha pa Santa María Ixhuatán, Santa Rosa; San Mateo Ixtatán, Chuwi’meq’ina’ ri’; pa Bárcenas, Villa Nueva, pa nimatinamit Iximulew; pa San José La Máquina, Suchitepéquez, xuquje’ pa Mixco, nimatinamit Iximulew.