Eri k’amal b’e rech ri Wokajil Ajchajil Tinamit (PNC), Héctor Hernández, ri Héctor Hernández, ri subdirector General rech Investigación Criminal, Adal Rodríguez, ri comisario General rech ri División Especializada rech Investigación Criminal (DEIC), David Custodio ri’ xuquje’ ruk’ ri fiscal rech Sección Ajq’atenel Ch’ijom K’ax Chak chi ke Winaqib’ rech ri Ministerio Público (MP), Alexander Colop xkiya utzijol che xechapataj jun molaj b’anol k’ax kib’i’ “Acapulco” ri kakib’an k’ax chi ke alitoma e ixoqib’ ri’.
“Eri uwinaqil jun molaj b’anol k’ax ri’ are xkeche’j kib’antajil ri winaqil xkib’an k’ax chi ke, rech xkijito utz ta kchak ri’, rech te k’u ri’ xkimino xkik’ayij chi kuwach taq achijab’ pa taq chaq’ab’. Rumal ri’ k’o nim upatanib’al rech kakib’ij loq kitzijol kumal ri winaqilal e aj iximulew, rumal k’ut konojel ri winaqil sib’alaj keta’m kitzijolil ri b’anoj taq k’ax ri’ xuquje’ man k’ot kakib’ij lo chi ke ri q’atb’al tzij ri kak’ulmataj wiri’”, xcha’ ri k’amal b’e Hernández.
Xub’ij k’ut “Eri ajb’anol k’ax ri’ are kakeche’j ri redes sociales rech kakicha ri winaq kakib’an k’ax chi ke xuquje’ rech te k’u ri’ kakik’ayij chi kuwach taq achijab’ pa taq nimaja k’olib’al ri kab’an wi k’ax chi ke ri’. pa le oxib’ q’ij ok’owinaq e chapom chik oxib’ chi molaj b’anol k’ax ri’, jun chi ke ri’ are kub’an k’ax ub’i’ rech cibercrimen” ri’.
Eri e q’atem ri’
Pa uterne’xik jun b’iw ub’ixik pa awalik loq rumal jun loq’ winaq kajlajuj ujunab’ ri xk’ayilaxik chi kuwach achijab’ ri’, rumal ri’ eri wokajil ajchajil tinamit xkib’an 18 chi b’anoj tzukunem, solinik pa taq kachoch winaq rech San José Pinula, pa Iximulew ri’. Chi la’ k’ut xechapataj wi loq e julajuj chi b’anol ch’ijom k’ax chi ke winaqib’, rumal xkib’an k’ax pa awalik, xkik’am pwaq chi kij taq ri xkik’ayij chi kuwach taq achijab’ ri’.
Eri xechapatajik e are ri’: a Jhoni Herlindo Alfaro Tobar, 33 ujunab’; al María Mercedes Ordóñez González de Mayen, 56 ujunab’; a Oscar Esteban de Paz Ischarchal, 61 ujunab’; al Mirna Yaneth Ordoñez Vásquez, 40 ujunab’; a Stwen James Herrera Folgar, 45 ujunab’; a Carlos Enrique Armira Ruano, 38 ujunab’; al Claudia Maribel Ordoñez Vásquez, 36 ujunab’; a Marvin Fermín Ordoñez Vásquez, 32 ujunab’; a Sergio Clodomiro Paz Andrino, 44 ujunab’ xuquje’ al Iris Hessenia Folgar, 46 ujunab’ xuquje’ a Héctor Alexander Álvarez Altán 21 ujunab’ ri’.