Eri tzukunelab’ ri División Especializada rech Investigación Criminal (DEIC) rech ri Wokajil Ajchajil Tinamit (PNC) pa komonchak kuk’ reqa’lenel ri Ministerio Público rech xkichap loq keb’ e ajchajil tinamit rumal kab’ixik k’o b’anoj k’ax xkib’an che ixoq ri’.
Eri nik’aj xechapatajik e are ri’ a Elmer Leonel Orellana Monterroso xuquje’ a Melvin Florentín Pérez Vicente xuquje’ xb’ixik che ri b’anoj k’ax ri’ are xb’antaj pa le subestación rech pa tinamit Puerto de San José, Escuintla ri’.
Ruk’ kichapik wa’ eri PNC tajin kuk’utu che ri katajin che upatanib’al kuk’ ri winaqil xuquje’ kuk’utu che man k’ot jun ajchajinel kukuy tane’ umak ri’ wexa’ k’o b’anoj k’ax kub’an ri’ xuquje’ ruk’ wa’ kuk’utu che katajin kicha’ik ri e ajchajinelab’ pa le taqawokajil ri’ xuquje’ rumal ri’ kuya’ panoq chi ke ri winaq wexa’ k’o k’ax kakilo kab’anik chakib’ij loq pa aninaqil pa le 11º xuquje’ pa le 3032-7356 rech ri Inspectoría General rech kakiq’alajisaj loq we e k’o e ajb’anol k’ax e ajchajil tinamit kakilo xuquje’ rumal ri’ eri kisik’inik loq are kak’ul panoq kumal e ajno’jchakunelab’ xuquje’ pa awalik ri’.