Rumal taqim ub’anik pa utzilal rumal ri’ Wokom Taqawokaj Iximulew ri’ xuquje’ rumal ri’ Ministerio rech Gobernación (Mingob), e k’o keb’ chi reqa’lenel ri Wokajil Ajchajil Tinamit (PNC), xechapataj loq pa jun katzukuxik xb’an pa le colonina Nimajuyú, zona 21 rech uk’u’x nimatinamit.
Eri wokajil ajchajil tinamit xkib’ij loq che ri xchapik are ri’ jun achi ub’i’ Juan Caal Pop xuquje’ a Juan Francisco Tobar López, ri kab’ixik xek’aqon cho kaq pa kaqiq’ ruk’ ri k’aqb’al keqam rech ya’olchajinem winaqil ri maj pa usaqil ri’, rumal ri’ sib’alaj k’ax xkib’an chi ke ri winaq ri’.
Eri xb’antaj kumal e ajchajil tinamit ri’ are la’ rumal xterenb’exik ri b’iw ub’ixik kumal winaqilal ri’, are chi’ xkiya apanoq ub’ixik chi ke ri Comisaría 14, chi rij ri k’aqanik xb’antaj pa kaqiq’ri’.
Eri q’atb’al tzij rech ri taqawokajilal rech ri ya’olchajinem pa Amaq’ xub’ij chi ke ri winaqil pa tinamit rech chakib’ij b’a’ loq we kakilo kb’an Itzel b’anoj k’ax kumal ri e ajchajil tinamit pa le Inspectoría General rech ri PNC, pa le ch’aweb’al 3032-7356, chi la’ k’ut kak’ul wi ri ub’ixik pa awalik.