Rumal k’ut sib’alaj pa aninaqil eri reqa’lenelab’ ri comisaría 14 rech ri Wokajil Ajchajil Tinamit kib’i’ (PNC), xekowon che kchapik keb’ b’anol k’ax kawinaqil ri Barrio 18, pa jun puqchajinem tzukunik xb’an pa le 6ª avenida xuquje’ 5ª calle, colonia El Mezquital, zona 12 rech Villa Nueva ri’.
Eri nik’aj b’anol k’ax xechapatajik e are ri’ a Alex Alfonso Mendoza Pineda, alias “Joncho” xuquje’ Kevin Danilo Ramos López, alias “El Flaco”, kab’ixik e are xekamisanik jun q’apoj ali 16 ujunab’, pa le 3ª calle xuquje’ 6ª avenida rech chi la’ k’ut.
Eri wokajil ajchajinelab’ ri’ xkib’ij che ri jun alias Le Flaco xuquje’ Jocho ruk’ xriqitaj wi jun k’aqb’alil marca CZ, calibre 9 milímetros, ruk’ jun yab’al uq’aq’nil ch’aweb’al xuquje’ ruk’ oxlajuj chi ub’aq’ k’aqb’alil rech utz kakojik. Eri jun k’aqb’al ri’ are kab’ixik xeleq’ax b’i chi la’ pa le residenciales Villa Romana, zona 10 rech pa tinamit ri’, eri b’anoj k’ax ri’ are xk’ulmatajik pa le wuqub’ q’ij rech febrero rech ri junab’ 2021 kanoq.
Are wa’ xkinab’ejsaj ri q’atb’al tzij ub’ixik ri’ che ri jun ri q’apoj ali xk’aq kumal nik’aj b’anol k’ax, are rumal xel kan ruk’ Q14 000 chi pwaqil ri’, rech q’atoj toq’inik pwaq xtoq’axik. Are la’ sib’alaj katajin utzukuxik uwach ri’.