Rumal k’ut xya’taj loq utzijoxik rumal jun winaq pa awalik chi e k’o k’i taq winaq ketajin che utaqik b’i k’i jastaq maj pa usaqil pa Madrid, España ri’, rumal ri’ eri reqa’lenelab’ ri Subdirección General rech Análisis rech Información Antinarcótica, (SGAIA) rech ri Wokajil Ajchajil Tinamit (PNC), xumaj ri b’anoj tzukunik pa le releb’al winaq jastaq rech ri Aeropuerto Internacional La Aurora (AILA), rumal ri’ xechapataj e waqib’ chi e q’apoj winaqil pa le sala rech solinem ri’. Chi la’ k’ut xeriqitaj wi loq.
Eri Carlos Solís, secretario Técnico rech ri SGAIA, xub’ij che ri chak ri’ are niim ub’anik xb’anik rech xeq’atexik jun puq winaq ri’ rech tajin kakimaj kib’e ke’al b’i pa we Amaq’ ruk’ ri awam jastaq xriqitaj kuk’. Are wa’ ruk’ katob’anik ri binomio K-9 rech q’atenel awan kunb’alil”, xcha’.
Eri xeriqitaj ri’ are jun chi ke ub’i’ Dulce Paola Tobar Cabrejo, ri reqam b’i jun maletín rech b’enam kab’e, chi upam xriqitaj wi jun pisoj q’eq, ruk’ ri awan kunb’al cocaína, are 1.18 kapajan ri’, pa jun chik eqa’n reqam b’i xriqitaj wi 1.09 upajb’alil awan kunb’al, xuquje’ jun ch’aweb’al ruk’ jun wujq’axeb’al pa taq amaq’il.
Jeri’ xb’antaj kowonem xchapatajik jun achi ub’i’ Christian Javier Cobar Velásquez, ruk’ keb’ eqa’n reqam b’i, pa jujun taq uk’amom wi b’i 1.12 xuquje’ 1.09 upajb’alil cocaína, jun ch’aweb’al xuquje’ jun wujq’axeb’al pa amaq’il. Jeri’ xchapik ri al María De Los Ángeles Méndez Muñoz, ruk’ keb’ eqa’n uchiyim rech b’enam ri’ ruk’ 1.05 xuquje’ 1.10 upajb’alil ri awan kunb’al, jun ch’aweb’al xuquje’ ruk’ nik’aj wujilal winaq.
Pa k’isb’alil, xchapataj ri a Dylan Samuel Plaza Gómez, ruk’ keb’ eqa’m uk’am b’i pa b’enam ri’ ruk’ 1.06 xuquje’ 1.10 upajb’alil awan kunb’al, jun tob’ch’aweb’al xuquje’ jun wujq’axeb’al pa amaq’il.
Eri q’atb’al tzij xkib’ij che pa ronojel ri awan kunb’al xriqitajik k’o 8.79 upajb’alil cocaína, ri xq’alajinik tzij are ri awan kunb’al keqam. Karaj e keb’ chi winaq ruk’ keqam rech kasolixik.
Rumal wari’, eri fiscalía Antinarcótica rech ri Ministerio Publico (MP), kakil ri’ janik’ pa’ kapajan ri awan kunb’al keqam b’i nik’aj oxbi’ winaq xuquje’ ri oxib’ e q’apoj ixoqib’ e aj iximulew ri’.