Eri tzukunelab’ rech ri Sección Q’atel ri ch’ijom chak chi ke Winaq ri’, ri Wokaj Ajchajinelab’ e Ajq’atel Pandillas (Dipanda) rech ri Wokajil Ajchajil Tinamit (PNC), kuk’ rajq’atol tzij ri Ministerio Público ri’, xkimaj jun tzukno’jchak k’a le 28 rech julio rech 2021 ri’ rech kaq’atexik nik’aj b’anol ch’ijom chak che jun q’apoj kajlajuj ujunab’, pa San José Pinula, rech Iximulew ri’.
Eri nik’aj b’anol k’ax kib’i’ Los Vásquez”, e wuqub’ xechapataj ri’, are kib’i’ ri’: a Luis Bernardo Chilisna Boton, al Isaura Berty Ambrosio Vásquez, al Catalina García García, al Graciela Raxon García, al Nivia Secondina De León Vásquez, a Roberto Carlos Coy Chub xuquje’ a William Neftalí Vásquez Jiménez, e are kab’ixik e ajb’anol k’ax ch’ijom chak che jun ak’al ri’.
Eri rajtzukunelab’ ri sección rech investigación ri’, k’i b’anoj uwach taq katzukuxik xkib’an ri’ rumal ri’ xekowon che kaq’atexik jun molaj b’anol k’ax ri’, ri tajin kakilo jachike winaq kakik’am b’i, rech kakik’am b’i kakib’an k’ax chi ke, xuquje’ e are e k’o k’i winaq kakib’an k’ax chi ke ri’, rumal ri’ eri q’atb’al tzij kakich’ob’o che k’o chik kajib’ winaq tajin kakib’an ri k’ax ri’.
Eri kaq’atexik kumal e ajchajil tinamit are la’ xb’antaj rech xunimaxik utzij ri jun q’atol tzij rech pa nimatinamit Iximulew ri xutaq kichapik ri’.