K’o jun uwinaqil ri ajkalte kech aj winaq rech Cunen, Quiché, xchapataj paq’ij kamik,kumal reqa’lenel ri División Especializada rech Investigación Criminal (DEIC) rech ri Wokajil Ajchajil Tinamit (PNC) pa kato’ik ri Ministerio Público (MP), kab’ixik rumal e k’i winaqib’ xe’ujo’saj rech xub’ij chi kech karesaj kiwujil visas americanas man Tzij ta ri’.
Pa taq ri tzukunem ri’ xchapataj wi jun ixoq ub’i’ al Rebeca Floridalma Larios de Ramos, 48 ujunab’, are chi’ xriqitajik xub’an ri elaq’ ruk’ jo’sanem ri’. Pa k’i taq kachoch winaq rech uq’ab’ tinamit ri’, eri ajchajil tinamit, xkiriq 3 raqarik k’aqb’al, 10 ch’aweb’al, jun chaleco rech pa tzukunik ruk’ k’i taq wujilal rech pa pwaqb’al ja rech taq k’i winaqil. Xuquje’ xriqitaj 39 chi b’ara ch’ami’y rech ri e ajwab’ q’atb’al Tzij che ri kakikoj ri uwinaqil ri alcaldía indígena ri’.
Utzijil ri’
Eri q’atb’al Tzij xkik’ul k’i uwach b’iw ub’ixik chi rij kitzijol jun molaj b’anol k’ax rech chi la’ Cunén, Quiché, ri kab’ixik e are kakikoj kib’ che kiwinaqil ri jun puq winaq ri’.
Eri xb’ixik kumal ri winaq xe’eleq’axik, eri resaxik ri visa rech chak rech b’enam pa Estados Unidos rech América, rech qastzij b’a’ k’o ri kichak ub’ixik, rumal ri’, sib’alaj xkita chom pwaq chi kech rech kesax kiwujil ri’,emu wa’ ri wujil ri’ man k’ot xjach pa kaq’ab’ ri’.
Eri q’atb’al Tzij rech chajin tinamit xkib’ij che ri winaqil rech makitaq resaxik kiwujil ri’ chi rij jun chik winaq, rumal xa’ kejo’sax ke’eleq’ax ri’. Xaq xu’ wiri’ pa le Embajada EUA kesax wi ri’ wujilal ri’.