Paq’ij kamik eri reqa’leenl ri Departamento rech Ajq’atenel ri Delincuencia Organizada ri’ rech ri Wokajil Ajchajil Tinamit (PNC) xkinimaj uwach ri Plan 01-2023 ub’i’ “Operación Internacional rech Q’atenik B’anoj K’ax Ch’ijom Chak chi ke Winaqib’ ruk’ nik’aj chik uwach k’ax pa le Américas” ri’, ruk’ wa’ xb’antaj kowonem xchapataj jun achi kuk’ wuqub’ chi winaq e ajq’axel b’i pa tinamit ri’ ri xek’am b’i pa le Instituto Guatemalteco rech Migración (IGM).
Rumal ri’ xb’antaj kowonem xchapatajik jun achi ub’i’ a Esvin López Ramírez, 30 ujunab’, pa le aldea El Shane, Morales, Izabal, are chi’ ub’inisam b’i jun ch’ich’ reqam ri placas P-890JBP, jun chi bus, e reqam b’i wuqub’ chi winaq e ajq’axel ri’ e uwinaqil cubana ri’ ri maj kiwujil xe’ok loq loq qatinamit.
Ri xriq ri’
Eri reqa’lenel ajchajil tinamit xkichap jun achi ub’i’ López Ramírez ruk’ ri ch’ich’, ruk’ ri Q3 mil 823, $1 mil 353 (Q10 mil 556.22 ri xek’e pa jun Q7.80) ri’, ruk’ jun ch’aweb’al xuquje’ jun USB. Eri xriqik xpisik xk’am b’i kumal ri q’atb’al Tzij rech ri Ministerio Público (MP).
Ri xechapik
Eri winaqil e ajq’axel e cub’anos ri’ xek’am b’i pa le oficina rech ri IGM rech El Corinto, pa Fronterizo chi uxo’l Puerto Barrios, Santo Tomás de Castilla, Izabal, Iximulew xuquje’ Puerto Cortés rech Honduras ri’.