Eri reqa’lenelab’ ri wokaj ajchajinelab’ e Ajq’atenel keleq’axik ch’ich’ rech ri División Especializada rech Investigación Criminal (DEIC), rech ri Wokajil Ajchajil Tinamit (PNC), xuya ub’ixik che pa junab’ 2022 ri’ che e k’o 31 chi winaqil xechapataj ri’ rumal xkeleq’aj ch’ich’ ri’, e k’o 247 chi ch’ich’ e xeriqitaj ri’ xuquje’ e k’o 662 chi ch’ich’ e riqom pa rulewal qatinamit ri’.
Chi ke ri xechapatajik e k’o 15 xechapik rumal ketajin pa b’anoj k’ax, e k’o 16 xa’ xtaq kichapik, pa konojel ri’ e k’o 31 xechapataj ri’. Jeri’ e k’o 127 chi ch’ich’ xeriqitajik k’o k’exom chi ke, e k’o 30 chi winaq xechapik rumal xkib’an elaq’nik xuquje’ rumal k’o ri xkichapo, e k’o 90 chi ke ri ch’ich’ e eleq’am b’i pa ronojel k’o 247 chi ch’ich’ e riqom ri’.
Eri taqanel chajin tinamit xkiya utzijol chi k’o 72 ri’, pa nimatinamit Iximulew k’o 51 ri’, pa Chimaltenango k’o 21 ri’ xuquje’ pa Sacatepéquez k’o 22 ri’.
xuquje’ e k’o 662 chi ch’ich’ e riqom pa rulewal qatinamit, are wa’ ri chak xb’antaj kumal rajtzukno’jchak ri Sección rech ch’ich’ ri’.
Eri q’atb’al tzij xkib’an jun sik’inem b’ixik chi ke ri winaqilal rech chakib’ij b’a’ we k’o b’anoj k’ax kakilo ri’ pa le rachoch taq chajin tinamit xuquje’ chakib’ij apanoq pa le 110 rech PNC.