Xeriqitaj loq e jo’ob’ chi ak’alab’ ri’ ruk’ jun winaq xchap chi kij rumal xub’an ch’ijom k’ax chak chi ke ri’

Pa we q’ij kamik, eri reqa’lenelab’ ri Sección Contra ri Explotación Laboral xuquje’ Sexual ri’ rech ri Wokajil Ajchajil Tinamit (PNC) xuquje’ ri fiscalía rech ri Ministerio Público (MP), xkib’an k’i taq tzukunem pa taq k’ayib’al rech Escuintla xuquje’ Iximulew ri’, chi la’ k’ut xkiriq wi loq e jo’ob’ chi ak’alab’, xuquje’ xkichap loq jun winaq ri e k’ojom pa k’ax chak ri’ xuquje’ xtz’apixik oxib’ chi k’ayib’al ri’.

Eri tzukunem ri’ are la’ xb’an pa Escuintla chi la’ k’ut xriqitaj wi loq jun ala 16 ujunab’ ri are aj chi la’ Quiché, jeri’ pa Siquinalá, chi la’ xto’ wi loq jun q’apoj ali 14 ujunab’ xuquje’ aj chi la’ pa tinamit ri’.

Xuquje’ pa le zona 5 rech pa nimatinamit, xkito’ wi loq jun ala 15 ujunab’ xuquje’ xkichap jun ixoq ub’i’ Marta Julia Chitaq Ajquejay, rumal e ukojom pa chak ri e q’apoj ak’alab’ ri’.

Pa k’isb’al ri’ pa le zona 18 rech pa nimatinamit, chi la’ k’ut xesax wi loq pa k’ax chak jun ala 17 ujunab’, ri are aj chi la’ Chuwi’meq’ina’ xuquje’ k’o ri jun 15 ujunab’, pa jun tzukunem xb’antaj pa kilómetro 9.5 nimab’e kab’e rech ri Atlántico, zona 17 ri’.

Ultimas noticias

Alerta de Corrupción