Paq’ij miércoles 16 rech noviembre ri’, eri q’atb’al tzij rech ri Ministerio rech Gobernación (Mingob) xya’taj pa kq’ab’ kikematz’ib’ xuquje’ ri tob’chakub’al xya’taj chi ke rumal ri Embajada rech Estados Unidos pa reqa’lenem ri Sección rech Asuntos Antinarcóticos xuquje’ Aplicación rech ri Taqanem tzij (INL), rech xtaqixik uya’ik uchuq’ab’ kchak ri reqa’lenelab’ ri Wokajil Ajchajil Tinamit (PNC), rech b’anoj utzil chajinem chi ke ri winaqil e aj iximulew.
Pa ronojel xya’taj ri’ 806 chi kematz’ib’ xuquje’ ruk’ 226 rech keqax ri’ are la’ sib’alaj xjachik pa taq ri rachoch chajin tinamit, che ri qas katajin wi ya’olchajinem winaqil. Xuquje’ xya’taj chi ke 30 mil rech retalib’al rech Gooble Workspace, ruk’ taq correos electrónicos ruk’ ri uwach k’olib’al tijonem rech Classroom xuquje’ ri uwach k’olib’al Wokjspace for Education.
Eri taqawokajneml rech ri Ya’olchajinem pa Amaq’, David Napoleón Barrientos xub’ij che ri xjach ri puq kematz’ib’ ri’ rumal ri Wokom K’amal b’e Amaq’ rech ri Estados Unidos ri’, rech are jun nimatob’anik pa le Ub’e’al Chakunem rech Tecnología ruk’ Innovación xuquje’ Educación rech ri Estrategia rech Transformación Policial ri’. Pa taq le q’ij petinaq ri’ ch’ob’om chik rech kajachik 1 mil 700 chi kematz’ib’ ri’, rech ya’el uchuq’ab’ kichak ri chakuja xuquje’ chajinem rech ri wokaj ajchajin tinamit”, xcha’ ri Barrientos.
Eri Embajador rech EE.UU., William W. Popp xub’ij che ri kematz’ib’ xkisipaj loq eri rajil are 1.3 millones chi pwaq dólares, “are ri nab’e puq kematz’ib’ rech tob’chakub’al ri xya’taj loq chech ri chakuja wokajil”. Are wa’ jun tob’anik xya’taj loq rech ya’el uchuq’ab’ ri uchak patan ri Estrategia rech Transformación Policial rumal ri K’amal b’e Amaq’ Iximulew k’a pa le Taqawokajil Chajinem pa Amaq’. Are wa’ jun nim b’anoj uq’axik uwach rech pa le ukojik ri tob’chakub’al rech tzijol xuquje’ tzijob’enik rech b’anoj utzil chajinem chi ke ri winaqil pa tinamit Iximulew.
“Eri jastaq sipanem ri’ are la’ katob’anik pa le ujipixik ub’anik ri tijonem pa uwachwuj t’inkematz’ib’ xuquje’ pa el b’anoj ri chakunem ruk’ ri puqchajinem pa le wokaj chajin tinamit. Eri chakunem ri’ are la’ tob’an ub’anik uwach ri INL, rech ri Embajada rech ri Estados Unidos, are rech b’anoj utz kaq’atexik ri molaj b’anol k’ax pa taq nimatinamit”, xcha’ ri K’amal b’e rech ri PNC, Héctor Leonel Hernández.
Pa le b’anowem jachon kematz’ib’ ri’ xk’oji ri Primer Viceministro rech Seguridad, Carlos Franco Urzúa ri’, ri Cuarto Viceministro rech Tecnología rech ri Información xuquje’ Comunicaciones, Román Cancinos ri’, ri K’amal b’e rech INL, Kelly Hapka ri’, kuk’ rajtaqanel chajin tinamit xuquje’ ri winaqixel xesik’ix chi’.