Ri b’anow taq kemonchak pa taqawokajil ri’ are xub’an ri’ rech qas xechomax ri ixoqib’ e xek’am taj pa uq’ij k’ax. Pa le rachoch le Ministerio rech Gobernación (Mingob) xb’an ri ujuch’ik uwach ri nuk’chomab’al kuk’ taq ri je’lmolajib’ winaqilal, rech taqim uterne’xik ri b’anik tob’anem ruk’ ri achi’lanik chi ke ri Centros rech Apoyo chi ke ri Ixoqib’ che ri e q’axenaq pa k’axleb’al ub’i’ (CAIMUS).
Eri wokajil ri’ xkib’an uch’ob’ik ri utz uya’ik taq ri chakub’alil ri ya’tal, rech b’a’ kataqixik ub’anik ri chomab’alil ri’, ri achila’m uwach ri kato’ik ri ixoqib’ ri man xekam taj pa uq’ij ri k’axleb’al xk’ulmatajik.
Ri CAIMUS are ri je’l jamalib’al ya’talik rech kechomaxik ri ixoqib’ b’anom k’ax chi ke rumal ri b’anow k’ax. Eri tob’anik chi ke taq ri wokajilal ri kab’an upatanexik pa taq rachoch uk’olib’al ri’ are la’ katob’anik rech pa amaq’el kab’an ri chajinem q’ateb’al, ilonem achi’lanik ri’.
Ri b’anob’al ri’ are xk’am ub’e ub’anik rumal le Prevención rech ri Delito, Mayda de León, ri sib’alaj xub’ij che ri chak xub’an ri CAIMUS pa le kilik kachb’ilaxik taq ri ixoqib’ e q’axenaq pa k’axleb’al ri’. Xuquje’ sib’alaj xub’ij che ri k’oleb’al ri’ man xaq taj kuchomaj uq’atexik ri k’ax chi ke ri ixoqib’, xane’ are rech kub’an le rilik uch’ob’ik ri kitojb’alil ruk’ ri k’axleb’al xkik’ulmaj.
Le De Leon sib’alaj xub’ij eri upatanib’al ri ya’ik uchuq’ab’ ri chak rech q’ateb’al chi ke taq ri ali, taq ri ala, kuk’ ri e q’apoj, rech b’a’ pa k’ich’ite’nil kab’ix chi ke ri ub’anik kub’an chi ke ri k’ax ri’.
Pa le riqon ib’ chomanem ri’ are jun xopanik le viceministro Administrativo, Kelvin Aguilar; le diputada ri k’o pa Congreso rech ri Taqanib’al pa Amaq’, Alma Luz Guerrero; ri k’amol b’e woksolinel chak rech le Unidad rech ri Prevención Comunitaria rech Q’ateb’al ri k’ax (UPCV), Alberto Luján, kuk’ ri e’ajno’j taqatal kitzij ri molajib’ winaqilal ri’.
Ruk’ taq ri b’anow chomab’al ri’ eri Ministerio rech Gobernación sib’alaj xub’ij che ri eqale’n chak ri’ are rech kaya uchuq’ab’ ri wokb’anow chak kumal ri taqawokajilal xuquje’ taq ub’anik ri q’ateb’al ri k’ax ri’, jeri’ rech kakub’isax uterne’xik ri je’lb’anow taq kachomaxik ri ixoqib’ e q’axenaq pa k’axleb’al ri’.