Eri ukojik ri Centro Anticorrupción Policial ruk’ ri ch’aweb’al 1531 are la’ retal jun nim chakunem rech ya’el uchuq’ab’ ri chajinem pa uwokajilal rech wokib’al uwach ri k’ak’ Wokajil Ajchajil Tinamit (PNC) pa le upatanexik ri winaqilal ri winaqil e aj iximulew. Ri jujun b’iw b’ixik ri’ are la’ katzukux uwach xuquje’ are chi’ we k’o jun ajchajinel xqaj pa b’anoj k’ax ri’, kaq’at tzij ri’ pa uwi jacha ri b’anon q’atoj tzij ri’. Eri b’anoj taq q’atoj tzij ri’ tajin kaq’an uchuq’ab’ chke ri wokajil ajchajil tinamit xuquje’ are katajin ri’ pa usaqilal rech pa le unimaxik ri chajinem pa tinamit.
Eri Ministro rech Gobernación, Francisco Jiménez, ri xuk’am ub’e ub’anik ri b’anonem ri’, xub’ij che ruk’ ri centro anticorrupción ri’ tajin ya’ik uchuq’ab’ ri Inspectoría General rech ri PNC, are la’ qas kub’an upatan rech kab’antai ri chak che ri katajin ub’anik kumal ri wokajil ajchajil tinamit. Xuquje’ eri nim patanelab’ xub’ij, wet b’it k’o chajinem pa wokajilal ri’, man k’ot ri’ utz taq utzijol tajin wari’ kumal ri q’atb’al tzij. Rumal k’u ri’ tajin k’ut ri b’anoj chajinem kuk’ ri winaqilal.
Sib’alaj xub’ij eri centro anticorrupción ri’ man xaq ta ri’ rech kab’an le rilik ri utz taj kakib’an ri ajchajinelab’, xane’ rech kakib’an le utz rilik che ri wokajil ajchajil tinamit. “Pa le jo’lajuj q’ij rech enero kanoq k’a pawe q’ij, e 92 chi e ajchajinelab’ e chapom chik rumal xkib’an jalajoj kimak ri’ xuquje’ e k’o 32 mil e ajchajinelab’ xkoj tojb’al maj chi kij rumal pa wokajilal rech chajin tinamit”, xcha’.
Rumal k’u ri’, eri K’amal B’e rech ri PNC, David Custodio Boteo xub’ij che ri centro anticorrupción ri’ man xaq taj rech jun ch’aweb’al rech b’iw b’ixik loq, xane’ are rech jun nimchak tajin kub’an ri’, jacha ri saqilb’anem, ri utz pa juntir xuquje’ rech b’ixik ri ub’ixikil chak b’anom pa le wokajil ri’. Eri ch’aweb’al 1531 man xaq ta ri’ are jun canal rech b’iw b’ixik, xuquje’ are jun retal rech kanimax uk’exik ruk’ le ética profesional xuqujje’ ruk’ le nima’q retalil usuk’al ri kub’an ri ajchajil tinamit” xcha’.
Xuquje’ ri K’amal B’e Custodio Boteo sib’alaj xub’ij chewe ri centro are ri’ kub’ano rech kakojik pa le PNC. “Eri winaqilal rech pa kub’alil k’o ri kakib’ij loq pa awalik chi taq jun b’anoj k’ax ri’. Eri b’iw b’ixik kab’an utzukuxik ruk’ jikomalil, rech kilik eri ajchajinelab’ kakib’an ta ri itzelal pa le keqele’n jacha’ ri uk’aq’im rij rumal ri taqanem tzij”, xcha’.
Eri Embajador rech ri Estados Unidos rech América pa Iximulew, Tobin Bradley sib’alaj xub’ij ri upatanib’al ri b’anom komon tob’anem chi kuwach ri keb’ Amaq’ rech uq’atetexik ri corrupción, jun k’axk’onem pa wokajilal ri kub’an are karaj kutulisaj ri b’anoj chajinem pa rulewal tinamit. Xuquje’ xub’ij rech kab’an uwokikk ri centro ri’ are kasach ri’ 1 millón 500 chi pwaqil rajil jastaq meb’il, ri kemetob’chakub’al xuquje’ rech k’uttionem chke ri winaqilal, rech ri ch’ob’oj ri ya’tal winaqib’ ri’.
Pa le riqon ib’ xuquje’ xk’oji ri Viceministra rech Seguridad, Claudia Palencia; ri Viceministro rech Tecnología rech ri Información xuquje’ ri Comunicaciones, William Cameros; ri Director Adjunto rech ri PNC, Helver Beltetón; ri k’amal b’e rech ri chajin tinamit, ri rajtaqnel ri Agencia Internacional rech Asuntos Antinarcóticos xuquje’ Aplicación rech ri Taqanem Tzij (INL) rech ri Embajada rech ri EE.UU.