Xkoj ri ub’anikil rilik uchomaxik ri e ak’alab’ taji kab’an k’ax chi ke

Eri Taqanel rech ri Departamento rech Tzukno’jchak chi rij b’anoj k’ax kab’an chi ke ri ak’alab’il, q’apojil che ri k’o q’atb’altzij chi kij, Imelda Galindo, xuya’ ub’ixik che pa we junab’ ri’ katajin chik usolixik kaq’o’ kab’lajk’al julajuj (1 mil 051) chi e ak’alab’ che ri itzel kilik b’anom ri’ xuquje’ rumal ri’ kesam b’i kib’ pa taq kachoch ri ya’om kitzijol pa le Alerta Alba Keneth, rumal wari’ ya’om kitzijol ri’ rech kechomaxik ri alaj taq ala, taq ali xuquje’ e q’apojil ri kiriqom ri k’ax ri’ pa taq kachoch.
rumal wa’ eri Galindo, xub’ij che pa taq le ik’ mayo, agosto xuquje’ septiembre are chi’ paqab’inaq kitzijol ya’om ri’.

“Man junam ta ri’ ruk’ rech 2019 jewa’ pa taq le ik’ ri’. Pa mayo oxk’al lajuj (70) xesach pa 2019 xuquje’ k’o wajxaqk’al jo’lajuj (175) xesach pa le 2020.  Pa agosto 2019 xesachik jo’k’al b’elejlajuj (119) ri’ xuquje’ pa septiembre rech 2020, k’o waqk’al b’elejlajuj (136) ri’. Are chi’ eri jun tzukunel wexa’ kirilo che jun alaj ak’al kab’an kiriqtaj pa k’ax ri’, are kereye’j jun utaqanik ri q’atol tzij ri’, xuquje’ a rech kesax pa k’ax kiriqtaj wi xuquje’ kaya’ ub’ixik panoq pa le Procuraduría General rech ri Nación xuquje’ Ministerio Público rech kitzukux uwach ri b’anoj k’ax che, rech te k’u ri’ kechap loq ri e ajb’anol k’ax chech ri are”, xcha’ ri taqanel rech ri DEIC Niñez.

Kutun rib’ ruk’ wari’ ri resaxik ri jun ali kajlajuj (14) ujunab’ ri minom pa kiq’ab’ achijab’ rumal ri unan ri’, chi’ k’u ri’ xb’antaj kowinem xchap ri unan ri’ xuquje’ xesax loq ri jun ali pa k’ax ri’.

Eri q’atb’altzij kib’im k’ut e k’o k’i q’apoj, taq ala xuquje’ taq ali keriqtajik man kek’utun ta kinan tat xuquje’ e ajilol kech k’ot kesan rech ri ub’ixik chi kij ri’, rumal ri’ kesik’ixik rech ke’opanik pa taq le jachakunb’al rech Alba Keneth rech keriqtaj ri e q’apojil kumal e ajchajil tinamit ri’ ri q’apojil che ri e sachinaq ri’.

Ultimas noticias

Alerta de Corrupción