Rumal xch’ojix pa q’atb’altzij xeq’axaxik e oxlajuj uwinaqil ri Rueda rech ri Barrio 18

Eri q’atb’altzij rech ri Ministerio rech Gobernación, rech ri Wokajil Pache’ Tz’apib’al (SP) xuquje’ rech ri Wokajil Ajchajil Tinamit (PNC) xeq’axaxik e oxlajuj chi uwinaqil ri Rueda rech ri Barrio 18 pa jalajoj taq pache’ tz’apib’al, aretaq xch’ak uch’ojixik pa q’atb’altzij ri’.

Aretaq xeq’axitaj ri taqanel kech ri Rueda ri’ pa jalajoj taq pache’ tz’apib’al rech taqim k’ut kiq’atexik nik’aj molaj b’anol k’ax ri’, xk’am panoq ri wujilal xutaq loq ri q’atol tzij pa le 23 rech septiembre rehc ri keq’axaxik ri nik’aj b’anol k’ax chi la’ pache’ Fraijanes 1, rech pa aninaqil ri’.

Ruk wari’ are xunimaxik ri xtaq loq ub’anik rumal ri q’atb’altzij rumal k’ut k’o jun wuj xtaq pa q’atb’altzij ri’, rech kuk’ulelej uwach ri ximontzij ri’, pa le jo’ob’ q’ij rech octubre eri q’atb’altzij xutaq ub’ixik pa le wujilal che ya’tal chik rech keq’axaxik ri e tz’apil pache’ ri’ rech keb’e pa jalajoj taq pache’ tz’apib’al xuquje’ ruk’ was’ kajachtaj kiwach ri uwinaqil ri Barrio 18 ri’.

Eri Viceministro rech Seguridad, Gendri Reyes xub’ij k’ut are b’a’ ri K’amal b’e Amaq’, Alejandro Giammattei xuquje’ ri Ministro rech Gobernación, Olverio García Rodas, ri keq’axnik rech kijach kiwach nik’aj b’anol k’ax ruk’ kitob’anik nik’aj chik e taqawokajil pa amaq’ ri’, pa amaq’el k’ut kanimaxik ri taqanik k’o chi kiwach ri’.

Eri ujachik kiwach ri pandilla ri’ are sib’alaj rajawaxik pa we amaq’ xuquje’ ruk’ wa’ are kiq’atexik ri toq’inik pwaq kumal ri’ xuquje’ man k’ot chik winaq xaq tane’ kakikamisaj ri’.

Eri Taqawokajnel k’o jun sik’inem xub’an che ri Corte Suprema rech Q’atoj tzij rech b’a’ pa komon kechakun chi rij ri’, rech kanimaxik ri taqanik k’o pa jujun taq taqawokajil emu wari’ sib’alaj rajawaxik kaya’ ub’ixik che we b’anoj chakunemri’ are rech kakub’isax kik’u’x ri winaqil e aj ixim tinamit ri’.

Alerta de Corrupción

Ultimas noticias