Pa k’i taq puqtzukunem chajineik xb’an pa k’isb’al wuqq’ij kanoq chi uwach ri Mercados rech Artesanías, zona 13 uk’u’x nimatinamit, pa bulevar Los Próceeres, zona 10 xuquje’ nimab’e kab’e El Salvador, pa juyub’al rech Villa Canales, iximulew. Rech xtaqixik kaq’atexik pa taq ri nimab’e ri awan b’anoj rumumem chi la’ k’ut, rech pa kub’alil kewa’kat ri winaqilal pa tinamit.
Pa le puqtzukunem xb’antajik, xkiya chi kuwach ri reqa’lenel ri Comisaría 13, kuk’ ri Grupo Especial rech Q’atib’al taq Toq’inik Pwaq (GECE) ruk’ ri Departamento rech Tránsito rech ri Wokajil Ajchajil Tinamit (PNC) xb’antaj kowonem xilik uwach kiwujilal ri e ajb’inisal taq ch’ich’, rumal ri’ e k’o wuqub’ chi kejach’ich’ xechap kanoq xuquje’ k’o 48 tojob’al xkoj chi ke ri e ajb’inisanel ri’, rumal e k’o keqam taq ri placas ri kich’ich’, rumal e k’o xa’ keqam ta uloq kiwujil, nikaj chik rumal kiyajaj ri kiqul xuquje’ nik’aj chik rumal qas kitororor uqul kel wi kisib’al ri kich’ich’.
Eri q’alanem ri’, are taqom ub’anik rumal ri Taqanem rech Tránsito ri’, are tajin le rilik pa taq le q’ij rech b’anon chak, are chi’ ri winaqil kakimol ib’ che ub’anik urumexik kich’ich’, kikejach’ich’. Ri man k’ot pa usaqil jeri’ kakib’ano pa taq ri nimab’e, ri man kakil winaq keq’axik pa kib’e ke’ok’ow chi kij ri’ pa taq nimab’e rech rulewal qatinamit.
Eri b’iw ub’ixik chi ke ri winaqilal pa le ilowach k’amq’aq’nil tzijol xuquje’ pa le 1599 are la’ qas ub’anom upatan rech e q’atim kuwach ri e ajb’anol taq rumumik pa taq nimab’e ri’, rech pa kub’alil b’a’kewa’katik ri winaqil pa le nimab’e k’o pa tinamit, rech uq’atexik taq riqon k’ax pa taq nimab’e rech pa qatinamit.