Are rech kajach uwach ri cholchak chi rij ukojik ri Oficina Municipal rech Prevención pa tinamit rech Chisec, eri e ajno’jinelab’ rech ri Tercer Viceministerio rech ri Taqawokajnem rech Ya’olchajinem pa Amaq’ xmolin kuk’ ri q’atb’al tzij xuquje’ ri Consejo Municipal ri’.
Aretaq xtaq utzij pa ub’i’ ri Consejo Municipal eri keb’ concejales xkib’ij che pa jun chik riqb’al ib’ ri’ are xkicha’ ri Tat Ajkalte, are chi rij ri’ utaqik ukojik ri cholchak we ri’.
Chi rij wari’ sib’alaj xkimaltyoxij che ri Ministerio rech Gobernación ri’ xucha’ uwach ri tinamit ri’ xuquje’ raldeas, ucaseríos xuquje’ ucantones rech ke’ok pa jun nim upatanib’al tzij ri’ rech Q’atenik k’ax ri’.
«Qeta’m k’ut che pa jun chik riqb’al ib’ pa jun chik wuqq’ij ri’ kaqakoj ri Proyecto ri’ are kuya’ utzilme chi ke konojel ri winaq tinamit ri’», xecha’ ri uwinaqil ri Consejo Municipal ri’.
K’o tijonem kab’an chi ke ri’
Eri Tercer Viceministro rech Q’atel k’ax ri’, Carlos García Rubio, xub’ij che ri rajchak ri Oficinas Municipales rech Prevención ri’, are kakiya’ jun k’uttijonem ri’, rumal ri’ wokom chik uwach jun diplomado rech “Q’atel k’ax ri’ xuquje’ ri ya’olchajinem winaqil xuquje’ ri Covivencia Pacífica ri’”, pa reqele’n ri Instituto Nacional rech Estudios Estratégicos rech Ya’olchajinem ri’, chi ke jujun taq ri winaqil che ri kakaj ke’ok che patan pa le oficinas ri’, rajwaxik ri’ karesaj we diplomado ri’, ri are kareye’j kataq ukojik ri’, kumal ri q’atb’al tzij rech ri Nimatijob’al rech San Carlos rech Iximulew.
xub’ij chik kaya’ ri wujil ri’ rech kanimaxik ri k’uttijonem xuquje’ ruk’ jujn pensum jacha’ ri q’atatal chik uwach ri’.