Pa le junab’ 2021 xuquje’ are wa’ uwach ri jun b’anoj chomab’al rumal ri K’amal b’e Amaq’ Iximulew ri’, Alejandro Giammattei, ri Ministro Gendri Reyes Mazariegos xuquje’ pa komonchak rumal ri Quinto Viceministerio pa reqele’n ri Fernando Rodas De León ri xkowon pa aninaqil che uq’axik ri uk’ux’ b’anb’al awan kunb’alil ri’ k’a pa Empornac, EPQ xuquje’ rech Samayac pa ronojel 378 chi nima’ eqa’n rech ri’.
Are la’ jun b’anoj ri’ are chi’ xporox ri awan kunb’alil ri’ kumal reqa’lenel antinarcótica xuquje’ xkub’isax uwach ri k’amatil ub’e ri’ jacha’ ri’ salud, xcha’ ri Quinto Viceministro ri’.
Xpaqab’ kichapik ri e extraditables ri’.
Eri nik’aj xechapik ri taqom loq kichapik rumal q’atb’al tzij rech naj ri’ chi rij ri’ eri Rodas De León xub’ij che pa taq nik’aj junab’ xok’ow kanoq e 21 chi winaq chik e chapom ri’, e pa le nab’e panik’aj junab’ rech ri 2021 ri’, e k’o 30 chi winaqil e k’o pa narcotráfico ri’ e chapom chik, pa konojel ri’ k’o jun ixoq chi ke ri’.
Eri tob’anem uya’im ri Quinto Viceministro ri’ ri are xub’ij che pa taq puqchajinem ri Ministerio Público, ri DEA, ri FBI, xuquje’ ri DIGICI sib’alaj xetob’anik pa le q’atenik awan kunb’alil ri’.
K’o nim uwach ri awan kunb’alil q’atim chik
Chi rij wari’ eri Quinto Viceministro xub’ij che k’o keb’ uwach uq’ijol resaxik xb’antaj pa Abril xuquje’ julio, pa aldeas xuquje’ caseríos rech Tacaná Tajumulco, are chi’ k’o 15 millones chi raqan ichaj tikom rech Amapola are junam ruk’ 356 millones chi pwaqil ri’.
«Are wa’ kuya’ ub’ixik che ri tinamit rech Iximulew, che ri tiko’n ri’, ri tiko’n rech Amapola, rech Coca xuquje’ Marihuana ri’, are la’ k’o q’atb’al tzij chi rij rumal Amaq’il ri’, rumal are q’atim uwach rumal ri Lech rech Narcoactividad», xcha’.