Eri e ajno’jinelab’ rech ri Tercer Viceministerio rech Q’atel rech ri Ministerio rech Gobernación xkijach pa uq’ab’ ri ajkalte xuxuquje’ ri Consejo Municipal ri cholchak rech kakoj ri Oficina Municipal rech Q’atel K’ax pa Tactic, Alta Verapaz ri’.
Chi rij jun wa’ jun chomanem k’o nim upatanib’al pa uq’ab’ ri Tercer Viceministro, Carlos García Rubio xuya’ ub’ixik ri’ che we jun cholchak ri’ are kakoj ri’ “pa jun kaxon rech chakub’al” ri k’o jalajoj uwach uchakub’alil rech Ya’olchajinem Winaqil, ri are la’ kachokonsaxik pa le k’uttijonem, rech chi ke jujun ri winaqil che ri kakipatanij ri oficina municipal ri’.
“Eri ub’anik ukojik ri Oficinas Municipales, rajwaxik k’ut kab’an ri nab’e riqb’al ib’ chomanem kuk’ ri q’atb’al tzij chi’, te k’u ri’ k’o xtz’ib’ataj pa wujil rech chomab’al ri’, pa reqele’nik ri Consejo Municipal ri’, rech te k’u ri’ kaya’taj pa uq’atajil ri’, rajwaxik kataq ub’anik ri uq’atik ri pwaqil rech tojb’al chak ri’, ri ub’anik xuquje’ ri uq’atik rech kakojik ri oficinas ri’ pa jujun taq q’atb’al tzij ri’”, xcha’ ri García Rubio.
rumal ri’ eri Ajkalte Julio Baldomero Asig Isem rech Santa María de la Asunción Villa rech Tactic, Alta Verapaz xub’ij che we jun cholchak ri’ are la’ k’o nim upatanib’al pa le tinamit xuquje’ chi ke taq ri comunidades ri’ rech uq’atexik ri b’anoj k’ax ri’.
«Are wa’ jun nim cholchak che ri rajwaxik kaqakoj utoq’ixik uwujilal ri’ rech kakoj jun Oficina Municipal rech q’atel k’ax, ri are la’ kape rech kuya’ uchuq’ab’ ri ya’olchajinem winaqil pa qatinamit ri’ ri k’o ri’ che ri qas kak’ulmataj wi b’anoj k’ax ri’», xcha’ ri Ajkalte ri’.
Chi ke ri xkitaq rajpatanel ri comité ri’ are ri’ che we jun oficina ri’ are la’ rech ke’uchomaj ri winaqil pa taq le kaxlantzij, pa Poqomchi’, pa Achí xuquje’ pa Q’eqchi’ pa rulewal tinamit ri’, are rech b’a’ eri tzijob’elil are kopan pa kixikin konojel ri winaqilal ri’, xuquje’ xuta’o rech kakoj ri videovigilancia xuquje’ ri rech kasuk’ub’axik ri kik’olib’em ri taq ak’alab’ xuquje’ e q’apojil chi’ rech kakesaj kib’ pa le b’anoj k’ax ri’.
Pa k’isb’al ri’ eri ajkalte ri’ sib’alaj xub’ij che katajin uchomaxik pa le b’anoj chomanik ri’ are ri Consejo Municipal kutaq ri ukojik ri COMUPRE, xuquje’ kojtajin che rachb’ilaxik rech kachomax chi ke ri COCOPRES, xuquje’ pa le sesión riqb’alil ib’ ri’ ri Chomb’al pa taq Q’atb’al tzij rech ri Q’atel k’ax ri’, rumal ri’ e pa jun chik martes are ri’ kawok uwach rech ukojik ri cholchak we kamik tajin xjach kumal ri e ajno’jinelab’ rech ri Ministerio rech Gobernación ri’.