Eri Ministro rech Gobernación Gendri Rocael Reyes Mazariegos, xsolij jun wokomja k’o pa le 9a. Calle 0-76 colonia El Paraíso zona 5 rech Villa Nueva, chi’ k’u ri’ kriqitaj jun wokomja che ri kak’oji wi na ri Comisaría 15 rech ri Wokajil Ajchajil Tinamit (PNC).
«Rumal ri’ xqiriq qub’ kamik ruk’ ri Ajkalte rech Tinamit ri’ xuquje’ ruk’ jun diputada rech ri B’anol Taqanib’al pa Amaq’il rech kawok uwach jun chak rech umajtaj chik ri jun yakon nimaja ri k’o chik lajuj junab’ sachom kanoq ri k’o 3,500 chi etok’al pa ukajtzajil kapajan uyakik xuquje’ ri tak’ab’im kanoq uya’ik», xcha’ ri taqawokajnel ech ri ya’’olchajinem pa Amaq’.
Rumal k’u ri’, xub’ij we kamik uj k’o che umajtaj uwach chik rech jacha’ ri qachomam pa jun riqb’alil rech chomanem ruk’ ri Reqele’nib’al Ch’a’oj Q’atan tzij xuquje’ ri Ministerio Público rech b’a’ k’o ub’anik kachomaxik ri winaqil e aj iximulew ri’.
«Man utz ta ri’ k’o jun yakon nimaja chom ri rajil kayakik ri’ tak’ab’im kanoq ub’anik, are wa’ taqim umajik uyakik chik rumal ri Ministerio rech Gobernación ri’ rech kanimaxik upatanixik ri ch’ob’otal chak ri rajwaxik kak’ix uchakuxik rech are utz chi ke ri winaqil e aj iximulew ri’, are wa’ k’o nim upatanib’al rumal are wa’ qas k’o kajib’ uwokik upam b’anom ri’ ruk’ upam k’o qas chi uxe’ are la’ sib’alaj utz ke’uq’i’o wi e 500 chi eqa’lenel ajchajil tinamit», xcha’ ri Ministro.
Rumal ri’ are k’o nim upatanib’al xuquje’ are wa’ qas utz kayak chik rech kasuk’umaxik rumal rech utz kakikoj ri e ajchajil tinamit xuquje’ ri tinamit ri’.
Eri Taqawokajnel rech Ya’olchajinem pa Amaq’il xub’ij che are la’ katajin chik uchakuxik rumal are utz kakojik rech ri ya’olchajinem chi ke ri winaqil e aj iximulew, junam wa’ kak’is ub’anik rk’ ri Comisaría rech ri nimatinamit Antigua Guatemala rumal k’ut sib’alaj naj chik tak’ab’im kanoq ub’anik, are wa’ kuk’utu che katajin ub’anik jun utzalaj ya’olchajinem winaqil rumal ri’ katajin uterenb’exik ub’anik ri’.