Pa le Ministerio rech Gobernación xb’an wi ri Nab’e Riqoj ib’ rumal ri Komon b’anol Riqb’al ib’ rech Choman uq’atexik ri b’anoj k’ax pa kachoch winaq xuquje’ chi ke ri Ixoqib’ –CONAPREVI- ri k’amatil ub’e rumal ri Viceministro rech Q’atel k’ax ri’, Carlos García Rubio.

Pa le riqoj ib’ ri’ xtatab’en ri k’amal b’e rech ri UPCV, ri PGN, ri DEMI, ri Asociación Nuevos Horizontes, ri Mujeres Transformando el Mundo ri’, ri Kimolajil Ixoqib’ e aj Iximulewal, ri Secretaría Presidencial rech ri Ixoqib’, ri SVET, ri PROPEVI, ri SGIC, ri SGPD rech ri Wokajil Ajchajil Tinamit ri’.

Ri García Rubio sib’alaj xub’ij eri tob’anik kaya’ che ri Q’alib’al k’ax “are ri’ ri nab’e q’axnik kakib’an e k’i ri’ ri pa junamil kaqab’an ri’”, rumal ri’ katajin ub’anik ri riqoj ib’ ri’ rech katoq’ixik upatanixik ri cholchak kumal taq ri wokajilal ri’.

Eri uwachtzijonem xb’antaj uchomaxik pa le komonchak ri’ are ri Cholchak rech Q’alib’al k’ax chi kech ri Ixoqib’ ri’  -PLANOVI-. Jeri’ ri k’utb’al rech ri ub’antajil ri chomab’al rumal ri Ministerio rech Gobernación ruk’ ri Grupo Guatemalteco kech Ixoqib’ chi rij ri pwaqil rech ri CAIMUS ri’.

Pa jun chik riqoj ib’ ri’, kaya’ wi pa uk’utik ri k’ak’ taq cholchak are rech kaya’ jun utzalaj nimanem chomanik chi ke ri ixoqib’ kiriqom k’ax ri’.