We kamik eri rajchak ri Nimatijob’al rech ri Wokajil Ajchajil Tinamit ri’, pa keb’ q’ij chik ketajin che uk’amik ri kiwujilal ri ke’ok che e ajtijoxel pa le PNC ri’ ri xesik’ixik xuquje’ ri xtaq loq kiwujilal rech xkita’o xe’ok pa le uwachwuj k’amq’aq’nil e ajchajil tinamit, xcha’ ri Juan Antonio Alfaro, Taqanel rech ri Subdirección General rech Estudios xuquje’ Doctrina ri’.
Eri Alfaro, xub’ij che pa le 16 pa le 31 rech octubre ri’, xkitaq kasik’ixik ri q’apoj winaq kakaj ke’ok pa le 54 promoción rech ri curso básico chi ke eqa’lenel ketijox ri’: “Rumal ri’ xb’an uk’ulik ri 26 mil 357 chi ta’onik ri’, pa lunes chik kanoq xmajtaj k’ut ri uk’amik ri wujilal rech xsolix ri wujilal ri’ rech kilik we tz’aqatinaq uwach taq ri’”.
Eri reqa’lenel ri Departamento rech Incorporación rech ri SGED, kakisik’ij e 300 chi e q’apoj winaq ri’ rech ke’ok b’a’ pa le jun kacha’ik ri’. Eri ujachik are kakib’an pa taq puq ri’ rumal k’o kuxo’l rech q’atenik ri COVID-19 ri’.
Jeri’ eri Subdirector General xub’ij che e k’o e k’i taq achijab’ xuquje’ ixoqib’ xkaj tane’ ke’ok pa le PNC ri’, rumal ri’ xkiya’ loq ub’ixik chi ke ri’, xaq mejo’sax kumal e itzel winaq rech kakaj kakesaj pwaq chi kij rech utaqik loq kiwujil ri’, “maj jun winaq b’a’ k’ot kutoj rech ka’ok tane’ pa le Academia Policial ri’, rumal k’ut ri kakita ri’ e are ke’opan che uya’ik che utaik rilik ri’”. Xcha’.