Eri reqa’lenelab’ ri Subdirección General rech Q’atenik Awan Kunb’alil (SGAIA), sib’alaj ketajin che kaq’atexik ri narcotráfico ri’, rumal ri’ we q’ij kamik xporotaj kumal 22,070 chi raqan uche’laj ri marihuana pa Camotán, Chiquimula ri’.
Eri reqa’lenel ri SGAIA ri’ aretaq xkiriq ri tiko’n ri’, xkiqupij te k’u ri’ xkiporoj ri’, jeri’ xkib’an ruk’ ri xkiriq pa jo’ob’ chi peraj juyub’ tikom wi, eri rajil k’ut ri awan kunb’alil are Q.8,276,250 chi puwaqil ri’.
K’o jun ajk’ayil rech xchapataj loq
Chi la’ pa Chimaltenango ri’, xchapataj wi lo jun achi ub’i’ Rigoberto Miculax Esquit 52 ujunab’ ri’, kab’ixik e are kujach ri awan kunb’alil chi la’ k’ut, aretaq xb’antaj utzukuxik kumal reqa’lenel ri División Especializada rech Investigación Criminal (DEIC) ri’, pa b’anoj komonchak ruk’ ri Ministerio Público (MP).
Ruk’ ri jun b’anol k’ax ri’ xriqitaj wi 47 chi rab’arik kunb’al rech crack, keb’ k’olib’al ruk’ marihuana ri’, wuqub’ chi ch’a’wib’alil xuquje’ ruk’ pwaqil, pa rachoch ri’. Eri jun achi Micular Esquit ri’ rumal ri’ xk’am b’i pa q’atb’al tzij chi rij ri xriqitaj ruk’ ri’.