Xmajtaj uya’ik ri wujil rech Antecedentes Policiales pa San Juan Amatitlán ri’

We kamik pa jun chi ke ri rachoch ri Q’atb’altzij rech ri San Juan Amatitlán, xb’an wi ri nimaq’ij rech xqataj yab’al rech ri Antecedentes Policiales, ri xjaqow uwach rumal ri ajkalte chi’ xuquje’ rumal ri taqanel rech ri Comisaría rech Villa Nueva, are wa’ rech jun nim b’anoj utzil chi ke ri winaq e amatitlanecos pa le resaxik kuwujil ri’ rech are kakikoj are chi’ kakita kichak ri’.

Eri subcomisario Rolfin Cornel, taqanel rech ri Comisaría rech Villa Nueva, xub’ij ri’ che katajin b’anoj chomanik kuk’ ri winaqil chi’ pa tinamit ri’.

Xuquje’ xub’ij eri uq’ijol resaxik wari’ are pa waqxaqib’ rech saqarib’al pa taq le kajib’ rech qajib’al q’ij rech pa lunes k’a pa viernes ri’ pa le  5 avenida xuquje’ 4 calle rech ri Centro rech San Juan Amatitlán ri’, chi’ k’u ri’ k’o wi keb’ ventanillas ri’ ri kakitzaj pa wujil ri antecedentes Policiales kesax chi’.

Eri jun ub’anik ri’ are rech kub’an utzil chi ke e 100 mil chi winaqil rech Amatitlán xuquje’ rech Escuintla ri’, jeri’ xub’ij ri Ajkalte chi’ Mynor Orellana, “konojel ri winaqilal che ri rajwaxik ri wujil chi ke ri’ chi’ kechomax wiri’ kumal ri e ajchajil tinamit xuquje’ chi’ kechomax wi ri winaqil rech nik’aj chik tinamit we jeri’ kikaj ke’opan chi’”.

Noticias Recientes