Eri viceministro rech ya’olchajinem, Carlos Franco, xtatab’en pa na’tib’al uq’ijol maj b’anoj k’ax chi ke ri ak’alab’ pa tinamit ri’, ri xb’an pa le rachoch ri Modelo rech Atención Integral rech Ak’alab’ xuquje’ e K’ajolab’ (MAINA) ri’.
Eri Franco xuya’ ub’ixik ucholajil che we kamik e taqom 110 chi tzukunelab’ rech ri Wokajil Ajchajil Tinamit (PNC), ri ketob’anik pa uterenb’exik utzukuxik uwach ri b’iw ub’ixik loq b’anoj k’ax chi ke ri ak’alab’ che ri e k’o pa uq’ab’ ri MAINA.
“E qataqom jun puq chi ajtzukunelab’, ri e chakuninaq rech e k’o winaq kichapom loq che ri e ajb’anol k’ax ri’. Xuquje’ pa le Ministerio rech Gobernación ri’, katajin ub’ixik chi ke ri winaq rech kakik’amansaj kib’ rech k’o ri kakib’ij loq, rech uq’atexik ri k’ax ri’” xcha’.
Pa le ilb’anem ri’ xya’ pa k’utem ri chakum chik uwach kumal ri taqawokajilal pa le reqe’lenik ri MAINA, rumal ri’ kab’ixik k’o 1 mil 344 chi alertas Alba-Keneth rech pa le 18 rech julio rech 2019 pa le 28 rech febrero rech pa we junab’, k’o 1 mil 181 chi alertas xe’esax ri’, rumal k’ut e k’o 9 che jujun taq 10 chi ak’alab’ e sachinaq xeriqitaj loq.
Pa we junab’ eri MAINA, wokom uwach kumal e 11 chi wokajilal ri’, chi ke ri’ k’o ri Ministerio rech Gobernación, pa reqe’lenik ri Wokajil Ajchajil Tinamit (PNC); ri Ministerio Público (MP); ri Organismo Judicial; ri Procuraduría General rech Amaq’ilal; ri Instituto Nacional rech Ciencias Forenses, xuquje’ nik’aj chik ri’.