Pa le ub’anik kanimaq’ij ri Ak’alab’ pa Uwachulew ri’, k’o jun chi ke ri ak’alab’ xkoj che Ministro xuquje’ nik’aj chik xe’ok che Viceministros pa jun q’ij ri’, pa le Ministerio rech Gobernación ri’, ri xya keqele’n ri’, chi kuwach konojel ri winaqilal keriqitaj chi’, xkito’ k’ut ri utzij ucholchak xuya ub’ixik ri loq’ ak’al taqawokajnel ri’, ub’i’ Francisco Dávila, ri xub’ij ceh uchak patan are rech kuya’o jun nim chajinem chi ke ri ak’alab’ xuquje’ chi ke ri’j winaq pa ronojel ri Amaq’.
Te k’u ri’, xch’aw ri Primera Viceministra rech Seguridad, ri alaj loq’ ali, Sofía Chumil, ri xuya ub’ixik chi k’o nim upatanib’al kub’an ri ajchajil tinamit pa le ya’olchajinem chi ke ri ak’alab’il. Eri Segundo Viceministro Administrativo, alaj loq ala’, ub’i’ Joshua Ardían, ri are xub’ij sib’alaj rajwaxik b’a’ kaloq’ax ukojik ri pwaq ri’, eri Tercera Viceministra rech Prevención, alaj ali ub’i’ Dara Vásquez, ri are xub’ij che maj jun ak’al mub’an tane’ itzelal, che ri ralawal ch’akul rumal are loq’ upetib’al ri’.
Eri Cuarto Viceministro rech Tecnologías, Ignacio Dávila ri’, xub’ij che sib’alaj utz ri’ we utz ukojik kab’an ri redes sociales ri’, pa k’isb’al ri’ eri Quinto Viceministro Antinarcótico, José Ernesto Jurado ri’, xsik’in ri’ rech are utz katij ri kab’ rech uq’atexik katij awan kunb’alil.
Etz’enb’alil ri’
Eri e k’ak’ patanelab’ ri’ xuquje’ konojel ri ak’aklab’ e ajno’jinell kech pa juntir ri’ xkitz’apij uwach ri molinik, xuquje’ xe’ok pa etz’anem rech xkik’owisaj kanimaq’ij ruk’ taq etz’anem, ch’akib’al jastaq, q’ojomanem b’ixonik, xajoj, potz’im piñatas xuquje’ ruk’ nimalaj ki’kotemal.