Eri Wokom Taqanelab’ rech Iximulew pa uchakunik ri Ministerio rech Gobernación (Mingob), ruk’ ri Quinto Viceministerio Antinarcóticos xuquje’ ruk’ kichak tzukunik ri Subdirección General rech Análisis rech Información Antinarcótica (SGAIA), rech ri Wokajil Ajchajil Tinamit (PNC), rumal k’u ri’ xb’antaj kowonem xriqitajik 436 chi pisoj rech awan kunb’al, chi upam ri’ k’o wi ri awan kunb’al ri are la’ cocaína ri’.
Eri b’anowem ri’ kumal ajchajil tinamit are la’ xb’antaj ruk’ katob’anik rajchak ri Superintendencia rech Administración Tributaria (SAT) xuquje’ ruk’ rajchak ri Ministerio Público (MP), xkib’an jun nim tzukunem pa rachoch ri Portuaria Quetzal xuquje’ rech xriqitaj pa jun kaxonach’ich’ chi la’ upetik Ecuador ri’.
Eri q’atb’al tzij xkib’ij k’a chaq’ab’ iwir xuquje’ pa nimaq’ab’ kamik eri tob’chakub’al rech rayox X, xuya’ pa retal rech xriqitaj ri awan kunb’al ri’, are la’ qajib’al q’ir kamik xk’am b’i pa xik’ach’ich’ pa nimatinamit pa taq ri k’olibal rech ri Subdirección Antinarcótica, pa taq ri helicópteros rech ri Unidad Aérea rech ri Ministerio rech Gobernación (Unagob) ri’.