Xya ub’ixik ri q’atenik b’anom chi ke ri narcotráfico pa nimatinamit

Eri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC) xuya’ ub’ixik paq’ij kamik chi ke ri q’atab’al Tzij rech ri Quinto viceministerio, ri nim q’atenik b’anom chik chi ke ri narcotráfico pa le 45 q’ij ok’owinaq chik ri 2023. Are wa’ xya ub’ixik utzijol pa le nima rachoch ri Ministerio rech Gobernación (Mingob).

Pa le riqb’al xk’am ub’e rumal ri Quinto Viceministro xuquje’ rumal ri Subdirector rech ri SGAIA, chi kijujunal ri taqanel antinarcóticos xiya ub’ixik ri marihuana, ri cocaína, ri metanfetamina, ri awan kunb’al xuquje’ ri crack riqom chik. Xuquje’ ri tiko’n rech marihuana xuquje’ rech coca riqom ri’.

Xuquje’ xya’taj utzijol ri puqchajinem tzukunik, solinem xb’an pa taq ri peraj juyub’ chi tiko’n rech awan kunb’al ri’, jeri’ ri solinik xb’an pa taq ri puertos xuquje’ aeropuertos ri’.

Eri q’atb’al tzij xkib’ij che tajin ri puqchajinem pa komon wokajil rech taqim kichapik ri nik’aj winaq taqom loq kichapik rumal q’atb’al tzij rech ri Estados Unidos ri’ rumal e k’o pa narcotráfico ri’.

Xya’taj utzijol ub’ixik ch rij ri tijonem tajin pa le tijob’al ub’i’ Escuela Centroamericana rech  Entrenamiento Canino (ECEC) ri’ xuquje’ ri ch’ob’otal tijonem kab’an chi ke ri eqa’enel e tijonel xuquje’ chi ke ri kakitijoj ri K-9 ri’. Xuquje’ eri ajtaqonel ri ajchajin tinamit xkib’ij che kakiporoj ri uk’u’x b’anob’al awan jastaq kunb’al, xuquje’ e k’o jun puqil eqa’lenel rech ri Comando rech Operaciones Antinarcóticas ri’ (COAN) ke’ok che ri keqale’nib’al ri’.

Ri riqom chik

Eri q’atab’al tzij xkiya utzijol ub’ixik ri riqom chik kumal reqa’lenel antinarcótico ri’:

·         Eri awan kunb’al kiriqom eri rajil are (Q57 millones 589 mil 434.20) ri’.

·         Eri tiko’n rech marihuana xuquje’ rech coca riqom eri rajil are (Q269 millones 870 mil 648.00) ri’.

·         Eri jastaq xuquje’ pwaqik riqom eri rajil are (Q201 millones 986 mil 839) ri’.

·         K’o e 125 chi winaqil e chapom, e k’o kajib’ chi ke taqom kichapik loq.

Noticias Recientes