Eri Ministro rech Gobernación tajin che unimaxik ri xutaq ub’anik rumal ri K’amal B’e Amaq’il, rech upatanexik ri Transformación Policial ri’, rumal ri’ paq’ij 15 rech febrero ri’ eri Ajtaqol Ya’olchajinem xopan pa taq ri comisarías rech ri Wokajil Ajchajil Tinamit (PNC), ri k’o pa Chinautla xuquje’ pa uk’u’x nimatinamit Iximulew. Rech xutaqij usolixik uwach ri kachomaxik ri winaqil kiriqom k’ax ri’.
Are la’ uwach Runimal Kaloq’axik e Ajchajin Tinamit xuquje’ rech Yakon kachoch ri’, eri Ministro ri’ xopanik xusolij ri uchak patan tajin pa le oficina rech Atención Ciudadana xuquje’ rech tijob’al kiwa ajchajin tinamit. Eri taqawokajnel ech ri Ya’olchajinem xub’ij che are taqim kachomaxik ri rajwaxik chi ke ri ixoqib’ xuquje’ ri achijab’ ri’ che ri kiriqom k’ax pa taq kachoch ri’.
Eri Q’atab’al Tzij rech Ya’olchajinem ri’, xub’an kasolixik ri comisarías 11, 13, 12-2, 12-6 xuquje’ 14, jeri’ pa le rachoch chajinem rech La Parroquia. Are taqim kanimarisax uwach ri k’olib’em rech kenimax wi ri’ winaqilal, eri chakuja ri’ are kakik’ul apanoq ri winaqilal che ri rajwaxik kena’ojaxik xuquje’ rech kachomaxik ri b’iw b’ixik kumal chi ri taq ri k’ax b’anom chi ke ri’.
Eri q’atab’al Tzij ri’ xub’ij che pa le 8 rech mayo ri’ are chi’ kamajtaj katijoxik ri ajchakunel rech Atención chi ke ri Víctima ri’.
Xuquje’ eri Ministro xopanik xe’usolij ri rajchak reqa’lenel ri Departamento rech Homicidios rech ri PNC, chi la’ k’ut che ri ya’om wi uchuq’ob’il ri chakuja rech tzukno’jchak, rech q’atenel pandillas xuquje’ rech q’atenik b’anoj ri k’ax chi ke ri ixoqib’.