Eri División Especializada rech Investigación Criminal (DEIC) xuquje’ kuk’ ri reqa’lenel nik’aj chik e ajchajinelab’ rech ri PNC, pa komonchak ruk’ ri Ministerio Público k’o 74 chi b’anoj tzukunem ketajin che ub’anik pa we amaq’ ri’ rumal ri xnab’ejsax ub’ixik che e k’o chik 15 chi winaqil e chapom chik ri’.
E are wa’ ri xechapataj loq ri’ al Dessy Edith Pec Fajardo, pa Amatitlán, a Kevin Denis Alejandro Cotom Rosales, al Lissy Jazmín Cabrera Barrios, zona 18, al Mónica José de Paz Cuy, pa zona 14, al Lisbeth Amarilis Díaz Reyna, pa zona 7, a Mynor Eduardo Escobar Morales, pa Amatitlán xuquje’ ri al Karen Elizabeth Prado Morales, pa zona 18 ri’.
Xuquje’ xchapataj loq ri al María José Martínez Mejía, pa zona 16 al Escarly Fabiola Rosales Pérez, al Verónica Cecilia Realejo Galicia, pa Amatitlán, a Héctor Raúl Rivera Garrido 61 ujunab’, pa zona 6 a Sammy Alfredo Castellanos Rosales, 21 ujunab’, jun taqanel marero, pa zona 18, al Wendy Saraí Revolorio Quintero, pa Barberena, Santa Rosa xuquje’ a Jorge Raúl González Hernández, alias «Randy», pa zona 18 ri’.
Chi la’ pache’ kech Ixoqib’ Santa Teresa, pa zona 18, chi’ xya’taj ub’ixik che are jun pa le b’anoj k’ax ri’ le al Jacquelin Azucena Morán Monzón, rumal are jun pa le choman b’anoj k’ax xuquje’ are jun che jun b’anoj kamisanik ri’.
Chi rij ri b’anoj k’ax toq’inik pwaq, tajin toq’inik pwaq pa amaq’el e k’o xechapataj ri’, xuquje’ k’o jun xchapik rumal kuya’ ta kipwaqil ralk’uwal ri’.
Eri kitzukuxik nik’aj ajtoq’il pwaq ri’ are xb’an pa taq kachoch jeri’ pa taq nimab’e uxo’l ja pa tinamit xuquje’ tajin kita chi ke ri winaqil rech kakiya’ loq ub’ixik pa le b’anoj k’ax ri’ pa le 110 xuquje’ pa le 1561 ri’.