Eri K’amal b’e Amaq’ Iximulew pa le uchakunem ri Ministerio rech Gobernación (Mingob) xutaq upaqab’isaxik pa Q600 kajil kakich’ak konojel ri eqa’lenel ech 011 xuquje’ e k’o pa contrato 022 rech ri Wokajil Ajchajil Tinamit (PNC), rech taqim uloq’axik kichakunik rech chajinem winaqil e aj iximulew kumal ri’.
Eri Taqawokajnel rech ri Ya’olchajinem pa Amaq’ xuya’ ub’ixik che xb’antaj kowonem xpaqab’isax kajil ri’. “Are la’ sib’alaj kinmaltyoxij che ri K’amal b’e Amaq’ Iximulew rumal xutaq upaqab’isaxik ri kajil kakich’ak ri e ajchajin tinamit, ri are ketoj ri’ pa jun chik ik’, rech Q600 xya pa uwi ri qas kakich’ak ri’. Rumal ri’ paqab’isam uwi ri Bono 14 xuquje’ ri aguinaldo kaya ch le ri’”, xcha’ ri patanel ri’.
Eri kajil paqab’isam ri’ are la’ xtaq uya’ik chi ke rumal are k’o pa le Acuerdo Gubernativo 27-2023, ri xya utzijolixik pa le Diario rech Centro América (DCA). Are la’ ya’tal chi ke ri ri 44 mil chi eqa’lenelab’ rech ri wokajil chajin tinamit, are chi’ xk’ex utaqik ri’ pa le Artículo 13 rech ri Reglamento rech ri Sistema rech Clasificación rech Cargos xuquje’ Puestos xuquje’ Remuneraciones rech ri PNC, ri xtaq ub’ixik pa le Acuerdo Gubernativo 718-98, pa 13 rech octubre rech 1998 ri’.
Eri Ministro xub’ij che xb’an jumulaj uwach taq uk’exik ri pwaq rech tojb’al chak ri’ rech are kanimaxik uya’ik ri’. “Eri kaloq’axik ri ajchajinelab’ ri’ are la’ jun upatanib’al k’o pa le Ub’e’al B’anob’al rech ri Transformación Policial ri’”, xcha’.