Eri reqa’lenel ri Departamento rech Investigación rech Q’atenem ri B’anoj K’ax chi ke Ixoqib’, Utojb’alil ri K’ax ri’, rech ri División Especializada rech Investigación Criminal (DEIC) ri’ rech ri Wokajil Ajchajil Tinamit (PNC) pa utob’anik ri Miniserio Público (MP) pa wuqq’ij ri’ xkib’an k’i taq puqtzukunem pa nimatinamit Iximulew. Pa taq ri tzukunem ri xechap wi e oxib’ chi winaqib’ che ri kakib’inisaj taxis, xuquje’ e are k’ut kawinaqil ri jun molaj b’anol k’ax kib’i’ “Los Piratas” ri’.
Eri jun molaj b’anol k’ax ri’ e k’o winaq xkiyut b’i kuk’, rech xkeleq’aj kijastaq xuquje’ e k’o ixoqib’ xkib’an k’ax chi ke ri’ ri tajin kakijito ri kichak ri’ rech kakik’am b’i winaq man k’ot pa rutzilem ri’ ri kakisik’ij pa jun uwach wujil pa kaqiq’. Xuquje’ e are kakiterenb’ej kakitzukuj ixoqib’ ri ke’ol pa taq ri discotecas rech kakik’am b’i kakib’an k’ax chi ke ri’.
Rumal ri’, xb’an jun puqtzukunem chajinik pa taq le zonas 3 xuquje’ 6 rech ri nimatinamit ri’, pa Mixco xuquje’ pa Palencia, Iximulew. Rumal k’u ri’, xb’antaj kowonem xechapik a Fernando Alonzo Lombardero Quiroa, 43 ujunab’, a Jonathan Fernando rivera Montejo, 24 ujunab’ xuquje’ a Otto David Pérez Xuya, 19 ujunab’ ri’, e are kab’ixik xkib’an k’ax chi ke ixoqib’, k’o xkiyut b’i kuk’, rech xkeleq’aj kijastaq xkib’an k’ax chi ke ri’.
Eri q’atb’al tzij rech ajchajil tinamit xkiya utzijol che ri nik’aj b’anol k’ax chi ke e lajuj chi ixoqib’ ri’.
Pa taq ri kachoch xtzukuxik chi la’ k’ut xriq wiloq molq’ab’, chachal, katena, lemowach, k’i taq jastaq ri’, ch’aweb’al xuquje’ atz’iyaqb’al ri’ ri xpis b’i kumal ri q’atb’al tzij.
Jeri’ pa le colonia Bosques rech San Nicolás 12 calle 23-49, apartamento B, zona 4 rech Mixco, ch ila’ k’ut xriq wi loq jun ch’ich’ reqam ri placas rech kab’inisaxik P 750JZG marca Toyota, línea Yaris modelo 2009, ri xk’am b’i kumal ri q’atb’al tzij.