Are xta’ik eri k’ak’ ajchajinel sib’alaj qas e nimanel pa le chajinem winaqil e aj iximulew ri’

Ketajin pa k’isb’al katijoxik kib’ ri k’ak’ taq ajchajinel che ri ke’ok na pa le Wokajil Ajchajil Tinamit (PNC) ri’.

Eri q’atb’al tzij rech Gobernación xuquje’ rech ri PNC xki’kortisaj kuwach ri ajchajinel ri’ xuquje’ xkitoq’ij ub’ixik chi ke che are wa’ jun k’ak’ b’anoj chakunem k’o kuwach pa le kik’aslemal ri’, xuquje’ xkita che ri jujun ke’al pa le tijonem ri’ are rumal xkiya kanima’ che katiijoxik kib’.

Eri PNC ri’ are jun wokajil che ri tajin wi uk’extajik uwach katijoxik ri e ajchajil tinamit ri tajin kemol wi ri eqa’lenelab’ rech kakik’asb’o uwach ri wokajil ri’ rumal k’u ri’ rajwaxik b’a’ kaki’kitsax kuwach pa le b’anoj chajinem winaqil pa qatinamit.

Eri q’atb’al tzij rech ri Mingob xub’ij che ri k’ak’ e ajtijoxel e aj iximulew ri’ are xkiya kanima’ rech kek’oji pa le chak patan ri’, are wa’ sib’alaj utz jewa’ kokik pa le wokajil pa we q’ij ri’ xuquje’ rech ke’ok che le patan chajinem pa le PNC ri’.

Eri b’anoj chak ri’ are sib’alaj k’ax ri’, are rech tijowchuq’ab’ ronojel q’ij pa le ub’anik utz chajinem rech kakib’an utz ch eri Runimal ri Cholchak Chajinem xuquje’ pa B’anoj Uwi Tijonem chi ke, xecha’ ri q’atb’al tzij.

Noticias Recientes