K’o k’iyalaj b’anoj chajinem tzukunik xb’an pa k’isb’al keb’ q’ij pa tinamit ri’, rumal eri reqa’lenel ri comisarías xuquje’ unidades especializadas rech ri Wokajil Ajchajil Tinamit (PNC), xkichap ri’ e 61 chi winaqib’ kab’ixik jalajoj ri k’ax kib’anom, jeri’ k’o job’ chi k’aqb’alil maj uwujil xriqitaj ri’.
Le puede interesar: Cuatro capturados en operativos contra las extorsiones
Pa jun tzukunem chajinik xb’an ri’ xchap k’ut jun winaq kereleq’aj kejach’ich’ jeri’ a Ray Dorian Vega Trejo, 23 ujunab’, pa le colonia La Industria, Escuintla ri’, are chi’ xya loq utzijol rumal jun winaq pa awalik, che jun achi ri’ are kereleq’aj xik’ach’ich’. Rumal k’ut sib’alaj pa aninaqil ri’ eri wokajil ajchajil tinamit xekowon che uchapik ri’ xuquje’ xik’am b’i pache’ q’atb’al tzij, rumal xch’ob’ uwach rumal ri winaq xereleq’aj uch’ich’.
Pa le utzukuxik ri’, eri wokajil ajchajil tinamit xkiriq ruk’ jun ch’ich’ xuquje’ wuqub’ chi kejach’ich’ ri kab’ixik xa’ e releq’am. Eri b’anonem ri’ kumal ri PNC ruk’ ri b’iw b’ixik loq kumal ri winaqib’ are la’ kuya nim uchuq’ab’il ri kaq’atexik ri molaj b’anol k’ax ri’.
Le puede interesar: Refuerzan acciones interinstitucionales para garantizar la seguridad nacional
Rumal ri’ eri q’atb’al tzij sib’alaj xkiya ub’ixik chi ke ri winaqil pa tinamit rech chakib’ij loq pa awalik pa le 110 rech ri PNC xuquje’ pa le 1561 rech Crimew Stoppers ri k’ax kakilo kab’anik, are la’ sib’alaj katob’anik rech k’o jun joremal jikomal pa rulewal qatinamit.