Rumal le Decreto Gubernativo 13-2020 xtaq ukojik ri Estado de Sitio pa jo’ob’ tinamit rech Izabal xuquje’ pa keb’ tinamit rech Alta Verapaz we kamik k’o 25 chi b’anoj tzukunem xb’an pa taq ja k’olib’al rech xchap jun winaq pa tinamit Morales ri’, k’o keb’ raqarik k’aqb’al xraqataj loq, ruk’ keb’ chi k’aqb’al chik, 80 ub’aq’ k’aqb’alil, keb’ raqarik k’aqb’al, jun ch’awib’al rech eqam xuquje’ uche’al Marihuana ri’.
Are wa’ xuya’ utzijol José Cornel Santos Sub Comisario xuquje’ Secretario Técnico rech ri División rech Investigación Criminal (DEIC), rech ri Wokajil Ajchajil Tinamit (PNC).
Pa le rulewal tinamit rech Panzós Alta Verapaz, k’o oxib’ chi tzukunik pa taq ja xb’anik, k’o jun winaq xchapataj chi’, jun k’aqb’al xuquje’ jun ch’ich’ ri xk’am b’i rumal q’atb’altzij xcha’ ri Secretario Técnico ri’.
Aretaq xmajtaj wa’ pa le q’ij domingo kanoq xuquje’ katajin ub’anik ri xub’ij loq ri K’amal b’e Amaq’ xuquje’ kumal ri k’amal b’e ri wokajil ajchajil tinamit, pa konojel ri eqa’lenel e taqom pa le tinamit rech Izabal pa jun nim kiwokajil ri’ xuquje’ ri e terenb’enel urilik, xuquje’ e k’o jun puq ajchak ketajin che utzijob’exik ri Estado de Sitio katajin pa taq le tinamit xuquje’ chi’ k’o 30 chi tzukunem pa taq ja katajinik, e k’o 19 chi winaqil xechapataj loq, rumal jalajoj uwach taq k’ax kib’anom ri’ xuquje’ ruk’ ri k’aqb’alil xraqataj chi’.
No’jimal katajin chomanem kuk’ ri winaqil chi’
“Eri uj kojtajin che uchakuxik juntir ruk’ taq ri subdirecciones rech ri Wokajil Ajchajil Tinamit, ruk’ ri subdirección rech tzukunik ri’, kuk’ ri antinarcóticos, kuk’ ri rech investigación criminal, kuk’ ri nab’ejsab’al q’atil k’ax, eri e are ri’ ketajin che b’anoj juntir uwach tzukunik chi’ pa le kachajixik ri winaqil ri’ xuquje’ rumal ri’ rajawaxik kakik’am juntir utzijol ri’ rech k’o joremal kakiya’o chi ke ri winaqil pa taq le tinamit ri’”, xcha’ ri Sub Comisario Santos.