Eri Ministro rech Gobernación, Oliverio García Rodas xopan la Congreso rech pa Amaq’il pa jun xsik’i wi rumal ri Comisión rech Derechos Humanos, rech xuya’ utzijob’exik ri tzukunem ya’olchajinik rumal ri Wokajil Ajchajil Tinamit pa le Estado de Sitio ri xtaq ukojik pa taq le tinamit rech Morales, El Estor y Livingston pa le tinamit rech Izabal; xuquje’ pa Santa Catalina La Tinta xuquje’ Panzos pa Alta Verapaz.
Eri Estado de Sitio are wa’ xtaq ukojik rumal ri K’amal b’e Amaq’il, Alejandro Giammattei xuquje’ are xq’at ukojik kumal ri Consejo rech Ministros, pa le decreto gubernativo 13 – 2020, rumal rajawaxik b’a’ keq’atexik ri e ajb’anol k’ax pa taq le rulewal ri’ che ri kakib’an k’ax chi ke ri winaqil sib’alaj e meb’a’ keraqataj chi’.
Xuquje’ are rech keq’atexik ri nuk’wokaj kamisanem che ri kakib’an k’ax chi’ xuquje’ ri narcotráfico ri’, ri q’axin awan jastaq rech kak’ayixik, ri winaq kab’an k’ax che kik’aslemal xuquje’ ri kakesaj jastaq meb’il amaq’ chi’.
Eri patanel ri’ xub’ij eri k’o pa le Ministerio rech Gobernación sib’alaj e utaqom juntir ri Wokajil Ajchajil Tinamit rech pa le estado de sitio kakinimaj ub’anik pa usaqil unimaxik ri ya’talil chi ke ri winaqil ri’.
Xuquje’ eri PNC karaqataj chi’ rech ke’uchap loq ri winaqil che ri taqom kachapik rumal q’atol tzij ri’.
Eri b’anoj tzukunem kumal ri wokajil ajchajil tinamit chi’ pa taq le nab’e kajib’ ri’ k’o utz ya’olchajinem xkib’an ri’, e k’o winaq xechapataj loq kumal, k’o nim peraj taq juyub’ xkiraqo rech tiko’nib’al marihuana xuquje’ rech coca, xuquje’ k’o k’i taq b’anoj k’ax xkiraq chi’ ri ketajin che uq’atexik pa taq le tinamit ri’.