Eri reqa’lenel ri Sub Dirección General rech Investigación Criminal SGIC rech ri Wokajil Ajchajil Tinamit (PNC) pa komonchak kuk’ rajchak ri Ministerio Público, e k’o keb’ e itzel b’anol k’ax xkichap loq pa le Búcaro rech ri zona 12.
E are k’ut jun achi ub’i’ Billy Orozco 20 ujunab’ xuquje’ Axel Guerra, 19 ujunab’, ri keb’ winaq kikamisam chi la’ kecha’ ri q’atb’altzij ri’.
Xuquje’ eri PNC xiya’ utzijol che xkichap loq jun ub’i Óscar Abdel Tayún Baños 21 ujunab’ pa le barrio Ixobel Poptún, Petén aretaq keqam jun raqarik k’aqb’al ri’, ri man k’ot uwuj xkik’ut ri’ aretaq xtaq utzijol chech ri’.
Pa k’isb’al, eri reqa’lenel ajchajil tinamit pa le aldea Puerto de Hierro, pa le Puerto rech San José Escuintla chi’ xkichap wi jun achi ub’i’ Óscar Antonio Alezano 19 ujunab’ aretaq e usuk’im pa kijolom keb’ achijab’ che jun raqarik k’aqb’al ri e uxukub’im pa ulew, ri xaq ta jub’ik chik ke’ukamisaj ri’.
Rumal ri’ eri eqa’lenel ajchajil tinamit pa aninaqil k’ur xkichap loq jun kamisanel ri’ rech xkesaj ri jun k’aqb’al pa uq’ab’ xuquje’ rech te k’u ri’ xeto’ta kanoq ri keb’ winaq ri’.