Eri reqa’lenelab’ ri Comisaría 14 xuquje’ rech ri División Nacional rech Q’atenel taq Pandillas (Dipanda) rech ri Wokajil Ajchajil Tinamit (PNC), xkiriq keb’ chi pandilleros are chi’ keqam b’i k’aqb’alil ruk’ k’iyalaj ub’aq’ k’aqb’alil. Eri kitzukuxik xb’an paq’ij kamik 7 rech junio pa jalajoj taq k’olib’em rech San Pedro Ayampuc xuquje’ Villa Nueva, Iximulew.
Are ri’ jun ala 17 ujunab’, alias Bodoque, kab’ixik are uwinaqil ri jun molaj b’anol k’ax ub’i’ clica de Master Dance Rap rech ri pandilla rech ri Barrio 18. Eri winaq ri’ reqam pa jun k’olib’al ub’i’ mariconera jun k’aqb’al, jun chik k’aqb’al, jun tolva xuquje’ 19 ub’aq’ k’aqb’alil rech jalajoj k’aqb’alil. Rumal ri’, xchapik xk’am b’i pa Q’atb’al Tzij rech Ke’uchojaj Ab’om Alitom keniman taj.
Eri a Edgar Emanuel Ramírez Tavico, 18 ujunab’, kab’ixik are pandilleros uwinaqil ri Mara Salvatrucha, are chi’ xchapik reqam jun k’aqb’al josomel urajilab’al. Xb’antaj kowonem xchapik rumal ri puqchajinem tzukunik rech q’atenik kab’an kumal ri wokajil ajchajil tinamit pa Ciudad Real I, zona 12 rech ri uq’ab’ tinamit.
Eri q’atb’al Tzij xkib’ij che kab’an ri tzukno’jchak chi kij ri’ rech kach’ob’ rilik kojom wi ri k’aqb’alil riqom, rech kilik jachike b’anoj taq k’aqanem e kojom wiri’ chi la’ k’ut. Ruk’ kaq’atexik ri’ xb’antaj kowonem rumal pa aninaqil xe’ilonik xeq’atenik ri e ajchajil tinamit ri’.