Pa jalajoj taq b’anoj tzukunem eri reqa’lenel ri Wokajil Ajchajinelab’ e Ajq’atenik Pandillas (DIPANDA) rech ri Wokajil Ajchajil Tinamit (PNC), e k’o oxib’ b’anol k’ax e ajtoq’il pwaq xkichap loq.
Eri wa’ jun chi ke ri xechapataj pa le Colonia Las delicias Zona 2, Santa Lucía Cotzumalguapa Escuintla, chi’ k’u ri’ xkichap wi loq a Manfredy Josué Barahona Chávez 28 ujunab’ xuquje’ a Klissman Geovanni Ibarra Chávez 22 ujunab’, e are katajin k’ut xkitoq’ij Q.50,000.00, rech kakikamisaj taq ri winaqil che ri kakikb’an k’ax chi ke.
Kuk’ nik’aj winaq ri’ xraqatajik jun k’olib’alil rilik ya’om Q.30,000.00, ruk’ jun kejch’ich’, ri placas M183GNG ri’, keb’ chi ch’a’wib’alil ri’.
Xuquje’ pa le 11 calle 16-12 Colonia Venezuela zona 21, chi’ xchapataj wi loq a Eduardo Geronimo Bernal Sánchez 19 ujunab’, aretaq katajin che b’anoj k’ax xraqataj kumal e ajchajil tinamit are chi’ k’o che uk’amik jun k’olib’al rilik k’o Q1,000.00 chi upam tane’ ri’, eri rajilab’al ri’ are xtoq’ij chech ri winaq xub’an k’ax chire chi la’.
Ruk’ ri xchapataj ri’ k’o jun k’olib’al xraqik rilik k’o Q. 1,000.00 chi upam tane’ ri’ xuquje’ jun ch’a’wib’al.
E nik’aj winaq ri’ che ri xechapatajik xek’am b’i pa q’atb’altzij ri’.