Pa le upatanixik ri Korlim Tzukunem Ya’olchajinik pa uq’ab’ tinamit rech Malacatán pa rulewal tinamit rech San Marcos ri’, e k’o winaq xechap loq rumal jalajoj uwach b’anoj k’ax kumal, xuquje’ k’o xriqitajik k’aqb’alil, awan kunb’alil ruk’ pwaqil maj pa usaqil xriqitaj loq, xcha’ ri Taqachajinel pa Amaq’, Gendri Rocael Reyes Mazariegos ri’.
Jeri’ xya’taj utzijoxik chi ke ri winaqilal pa tinamit che keb’ q’ij chik katajin ri korlim ya’olchajinem pa rulewal tinamti rech Izabal ruk’ ri cholchak rech Plan Recuperación xuquje’ Control ri’ chi’ k’u ri’ xb’antaj wi jok’al chi b’anoj tzukunem ri’ ri chomam chik kab’an wi 150 ri’, pa taq le ub’anik ri’ pa le nab’e q’ij qas k’o ri jastaq xuquje’ k’aqb’alil maj pa usaqil xriqitaj loq ri’ are k’aqb’al che ri kojom kumal ri wokajil e ajchajil amaq’ Iximulew, ruk’ nik’aj chik uwach k’aqb’al ri’.
Xuquje’ k’o Q100,000.00 chi pwaqil xriqitajik maj pa usaqil ri’, ruk’ awan kunb’alil, je’l taq che’ tz’alam, je’l alaj taq ab’aj (Jade, Cuarzo) xuquje’ are uwach taq ri jastaq maj pa usaqil xriqitaj loq pa taq le b’anoj tzukunem ya’olchajinik kumal ri jalajoj kuwach jachakub’al rech ri Wokajil Ajchajil Tinamit (PNC), xuquje’ kumal ri q’atol tzij rech ri Ministerio Público, xcha’ ri Ministro ri’.
“We kamik eri chomatal chik ri kab’an rumal ri taqawokaj pa amaq’, ri chajinem tzukunik pa we amaq’, pa taq le tinamit che ri qas keriqitaj wi molaj b’anol k’ax ri’ rech kaq’atex wari’ pa taq ri tinamit ri’”, xcha’ ri Ministro Reyes Mazariegos ri’.
Xub’ij chik che are k’o nim upatanib’al una’tixik utzijob’exik che k’o nim q’atenik xb’antaj chi ke ri e ajb’anol taq k’ax kamisanik xuquje’ we kamik qaterenb’em uq’atexik wari’, rumal ri’ sib’alaj kojtajin che ukojik nima b’anoj chajinem tzukunik ri’ are rech b’a’ k’o jun utzalaj kaq’atexik ajb’anol k’ax kab’an ri’.
