Eri K’amal b’e rech ri Wokajil Ajchajil Tinamit, José Antonio Tzuban Gómez ruk’ ri K’amal b’e, Edwin Ardiano, xek’oji pa jun riqoj ib’ xesik’ix wi kumal ri e ajb’anol taqanib’al rech ri Comisión rech Turismo rech ri Congreso rech ri Amaq’il rech xakiya’ loq utzijob’exik ucholaj ri cholchak rech tzukunem ya’olchajinik winaqil che ri kakib’an ri’ pa we amaq’ pa taq le Awas Q’ij ri’.
Eri Tzub’an ajk’amol b’e xub’ij keye’m chik rech kek’oji pa le ya’olchajinem tzukunik chi ke ri winaq e ajwa’katelab’ pa amaq’ ri’ kumal ri ri reqa’lenel ri División rech Seguridad Turística (DISETUR), rumal ri Subdirección Geneeral rech Q’atel k’ax xuquje’ ruk’ kitob’anik ri reqa’lenelab’ taq ri Comisarías ri’.
Are wa’ uwach ri cholchak chajinem tzukunik kab’an pa le 26 rech marzo k’a pa e 21 rech abril, are chi’ k’o k’iyalaj taq uwach ri ya’olchajinem kab’an ri’ pa we amaq’, k’o b’anoj ya’ltzijolil rech kina’ojixik ri winaqil kab’an pa taq le uwachwuj k’amq’aq’nil, xuquje’ kab’an ri’ le ya’ltzijol ub’i’ Plan Puerta a Puerta ch eri kupatanij ri’ le Prevención rech Delito rech kataqixik uya’ik jikomal kub’sib’al k’u’x pa tinamit e aj iximulewal ri’.
“K’o ri’ 37 chi reqa’lenelab’ e ajchajil tinamit ketaq ri’ pa le ya’olchajinem ri’ rech ketob’anik we kak’ulmataj k’a te’et kak’ulmatajik”, xcha’ ri Tzub’an.
Eri Wokajil Ajchajil Tinamit xuquje’ kak’oji pa taq ri k’olib’al ri ya’ltzijol rumal ri Sistema Nacional rech Prevención pa Awas Q’ij SINAPRESE 2021 ri’.