Eri reqa’lenel ri Subdirección General rech Q’atenik k’ax (SGPD) rech ri Wokajil Ajchajil Tinamit (PNC), ketajin k’ut che kito’ik ri winaqil kesam kib’ pa taq kachoch rumal ri uwaja’ xupetisax chi kij rmal ri jun nim kaqiq’ jab’ ETA ri’.
xuquje’ are wa’ uwach ri b’anoj q’atenik k’ax xuquje’ ri chomanem kuk’ ri winaqil ri’, chi’ k’u ri’ eri reqa’lenel ri PNC ketajin che tob’anik chi ke ri winaqil che ri xkiriq k’ax rumal ri kaqiq’ jab’ pale rulewal tinamit rech Alta Verapaz ri’.
Pa komonb’al ri’ kuk’ ri winaqil katajin kesaxik ri winaqil chi la’ k’ut pa taq jukub’ xuquje’ chararib’al b’anom kumal ri winaqil chi’, rech kekowin b’a’ kakiq’axaj uwach b’i ri nimab’e ri xq’atexik rumal ri nimaja’ Chisek ri’, che ri pa lunes kanoq xnimar ri’.
K’or ri korlim ya’olchajinem chi’
Rumal k’ut eri q’a’mb’e xetzaq loq rumal xtaq b’i nimab’e pa siwan ri’ pa taq le nimab’e kab’e pa Atlántico, chuxo’l taq ri tinamit rech Zacapa xuquje’ Izabal, eri reqa’lenel e Ajq’atil k’ax, pa komonchak ruk’ reqa’lenel ri Comisaría 24, k’o korlim ya’olchajinem kumal chi’.
Eri ya’olchajinem ri’ kojom pa taq le k’olib’em che ri xnoj wi rumal ri nimaja’ che ri xchajajik xok’ow chi’ rumal le nimab’a Motagua, ri pa le uq’axik chi’ k’o che’ e reqam b’i ruk’ nima’q taq ab’aj ri xuq’atij kib’e ri ch’ich’ rech xe’ok’ow ta chik chi’.